Balalar merekesine kelgen oblys ákimi Nurlybek Nálibaev oqýshylar ázirlegen qolóner buıymdarynyń kórmesin aralady. Oqýshylar úıinen ashylǵan arnaıy stýdııada jýrnalıstıka álippesin úırenip júrgen balalarǵa suhbat berdi.
Osydan keıin barsha balalardy merekemen quttyqtap, tilegin arnady.
– Biz erteń el tutqasyn ustaıtyn bilikti, bilimdi urpaq qalyptastyrýda barlyq múmkindikterge jol ashamyz. Bıyl áleýmettik qoldaýdy qajet etetin 500 balaǵa sport keshenderine tegin abonement berildi. Jazǵy kanıkýlda 1 men 10 synyp aralyǵyndaǵy oqýshylardyń 97 paıyzy ártúrli saýyqtyrý, jumyspen qamtý, úıirme, ekskýrsııamen qamtylatyn bolady. Balalar jyly aıasynda demeýshiler esebinen qalada 50-ge tarta, aýdandarda 30-dan astam sport-oıyn alańdary paıdalanýǵa beriledi. Josparǵa sáıkes 400-den asa iri kólemdi is-shara uıymdastyrylyp, oǵan 165 myńnan astam bala qatysady, – dedi oblys ákimi.
Merekede aımaq basshysy halyqaralyq, respýblıkalyq bilim dodalarynda jeńimpaz atanǵan 10 balaǵa noýtbýk syılap, ata-ana qamqorlyǵynsyz qalǵan 100 balaǵa velosıped tabystady. Osy kúni ár aýdanda 50 bala velosıpedti boldy. Túrli áleýmettik sanattaǵy otbasylardan shyqqan, oqýda úzdik atanǵan 20 oqýshy Kókshetaý qalasyndaǵy lagerge joldama aldy.
Balalar dýmany estrada juldyzdary qatysqan konserttik baǵdarlamaǵa ulasty. Osylaısha, halyqaralyq mereke qyzylordalyq balǵyndar qýanǵan kún boldy.
QYZYLORDA
