«Air Astana» alǵash ret jóndeýdiń birinshi túrin – 2019 jyldyń qarasha aıynda Almaty áýejaıyndaǵy óziniń ınjenerlik-tehnıkalyq ortalyǵynda Airbus A320 neo ushaǵyn C-check júrgizgen.
C-check (si-check) – 15-24 aı saıyn nemese 7500 ushý saǵatynda oryndalatyn tehnıkalyq qyzmet kórsetý túri. Bul synaq ushaqty belgili bir ýaqyt kezeńinde (shamamen eki apta) paıdalaný úshin shyǵarýdy talap etedi. Bul tekserýdiń ýaqyty kóptegen faktorlarǵa, atap aıtqanda, áýe kemesiniń túrine baılanysty.
Al 2021 jyldyń qarasha aıynda avıakompanııa Nur-Sultan áýejaıyndaǵy óziniń ınjenerlik-tehnıkalyq ortalyǵynda Airbus A321 ushaǵyn jóndeýdiń kúrdeli túrin júrgizgen.
2021 jyldyń kúzinde «Air Astana» keshendi tehnıkalyq qyzmet kórsetý boıynsha EASA (Eýropalyq avıasııalyq qaýipsizdik agenttigi) sertıfıkatyn aldy. Buryn tehnıkalyq qyzmet kórsetýdiń mundaı túrleri Eýropada, Reseıde jáne Qytaıda ǵana júrgizilgen.
Endigi kezekte 2022 jyldyń 11 naýryzynda «Air Astana» Reseıge barlyq reısterdi toqtatty.
Asemaı Erlanqyzy
