Ulttyq statıstıka bıýrosynyń Baǵa statıstıkasy departamentiniń dırektory Qýanyshbek Jaqypbekulynyń aıtýynsha, óńirlik bóliniste jańa turǵyn úıdiń sharshy metri jyldyq mánde aıtarlyqtaı Nur-Sultan qalasynda qymbattady – 27,2%-ǵa.
«Turǵyn úıdiń qaıta satý naryǵyndaǵy joǵary ósim Taldyqorǵan qalasy (48,6%), turǵyn úıdi jalǵa berý naryǵyndaǵy kóshti Almaty qalasy bastap tur (49,9%)», dep atap ótti Q.Jaqypbekuly.
Keıingi bir aıdyń ishinde (2022 jylǵy mamyrdan 2022 jylǵy sáýirge) jańa turǵyn úıdi satý baǵalary – 1,7%, páterlerdi qaıta satý 1% ósti. Abattandyrylǵan turǵyn úıdi jalǵa alý tólemi aldyńǵy aımen salystyrǵanda mamyrda 1,3% joǵarylady.
«Ulttyq statıstıka bıýrosy turǵyn úı baǵasy boıynsha aı saıyn monıtorıng júrgizedi. Baǵa ındeksteri oblys ortalyqtary men Nur-Sultan, Almaty, Shymkent, Semeı qalalary boıynsha iriktep baıqaý derekteri negizinde qalyptastyrylady. Jańa turǵyn úıler boıynsha aqparatty biz satý boıynsha operasııalar júrgizetin qurylys kompanııalarynan jınaımyz. Bul rette páterdiń bastapqy jáne taza árlengendegi baǵasy eskeriledi. Páterlerdi qaıta satý jáne jalǵa alý boıynsha derekter ınternette, buqaralyq aqparat quraldarynda ornalastyrylatyn habarlandyrýlar negizinde jınalady. Baǵalardy esepteý kezinde bir, eki, úsh bólmeli páterler boıynsha usynystar esepke alynady», deıdi Ulttyq statıstıka bıýrosynyń baǵa statıstıkasy departamentiniń dırektory Qýanyshbek Jaqypbekuly.
Turǵyn úı naryǵyndaǵy baǵanyń ózgerýi
paıyzben, ótken jylǵa, ósýi
