Is-sharaǵa Qyrǵyzstan Úkimetiniń basshysy Aqylbek Japarov, Tájikstan Úkimetiniń basshysy Kohır Rasýlzoda, О́zbekstan Úkimetiniń basshysy Abdýlla Arıpov, Túrikmenstannyń Mınıstrler kabıneti tóraǵasynyń orynbasary Mýhammetgýly Mýhammedov, BUU Bas hatshysynyń orynbasary Ýsha Rao-Monarı hanym, sondaı-aq halyqaralyq sarapshylar, halyqaralyq uıymdardyń, dıplomatııalyq toptardyń jáne azamattyq qoǵam ókilderi qatysyp jatyr.
Álıhan Smaıylov sammıtke qatysýshylar aldynda sóılegen sózinde óńirlik yntymaqtastyqtyń árqashan Qazaqstannyń basymdyqtarynyń biri bolǵanyn atap ótti. Qazir ónerkásip, energetıka, mashına jasaý, aýyl sharýashylyǵy jáne basqa da salalarda birlesken jobalar tabysty iske asyrylyp jatyr.
Halyqaralyq ınstıtýttardyń derekteri boıynsha Ortalyq Azııadaǵy ishki óńirlik taýar aınalymy $6,5 mlrd-ty quraıdy. Bul oraıda aımaqtaǵy elderdiń ózara saýda úlesi olardyń jalpy taýar aınalymynyń nebári 9%-yn alyp otyr.
«О́zara is-qımyldy odan ári damytý úshin aıtarlyqtaı áleýetimiz bar ekeni anyq. Osy oraıda elder arasyndaǵy saýda qatynastaryn keńeıtý jónindegi birlesken sharalardy kúsheıtý qajet», dedi QR Premer-Mınıstri.
Sondaı-aq Álıhan Smaıylov Qazaqstannyń BUU-nyń 2030 jylǵa deıingi kún tártibin qoldaıtynyn, buǵan Turaqty damý maqsattarynyń ındıkatorlaryn ulttyq strategııalar men damý baǵdarlamalaryna engizý dálel ekenin atap ótti. Elimizge júktelgen mindettemelerdi iske asyrý úshin TDM jónindegi úılestirý keńesi jumys isteıdi.
QR Premer-Mınıstriniń aıtýynsha, bul oraıda álemdik ekonomıkadaǵy tereń qurylymdyq ózgerister aıasynda ekonomıkalyq damýdyń ulttyq saıasatyn orta merzimdi perspektıvaǵa beıimdeý qajettiligi týyndady.
«Osyǵan baılanysty biz bıznes-qoǵamdastyq pen halyqaralyq uıymdar sarapshylarynyń belsendi qatysýymen Jańa Qazaqstannyń ekonomıkalyq saıasatyn ázirleýge kiristik. Osy qujat aıasynda ınvestısııalyq ahýal men kásipkerlik ortany jaqsartý, memlekettiń ekonomıkaǵa qatysýyn azaıtý, ınnovasııalar men balamaly energetıkany engizý, «jasyl» qarjylandyrýdy keńeıtý boıynsha jańa sharalar daıyndalady», dedi QR Úkimetiniń basshysy.
Álıhan Smaıylov bilim berýdi jáne ǵylymı-tehnıkalyq áleýetti damytýǵa, ǴZTKJ-ny keńeıtýge, ekonomıka qajettilikteri úshin bilikti kadrlar daıarlaýǵa erekshe nazar aýdarylatynyn aıtty.
QR Premer-Mınıstri kelesi taqyrypqa kóshe otyryp, búginde kóptegen elder úshin basty máselelerdiń biri azyq-túlik qaýipsizdigin qamtamasyz etý bolyp otyrǵanyn atap ótti.
Álıhan Smaıylovtyń aıtýynsha, uzaq merzimdi perspektıvada azyq-túlikpen qamtamasyz etý máselesi klımatqa baılanysty da kúrdelene túsedi, sondyqtan Qazaqstanda ekologııa kún tártibindegi basty máselelerdiń biri bolyp otyr.
Sóz sońynda QR Premer-Mınıstri Ortalyq Azııa elderi arasyndaǵy óńirlik yntymaqtastyq Turaqty damý maqsattaryn iske asyrýdaǵy negizgi element ekenin taǵy da atap ótti. Osy oraıda Almaty qalasynda Ortalyq Azııa men Aýǵanstan úshin BUU-nyń TDM boıynsha ortalyǵyn ashý josparlanǵan.
«Ilgerileý men jahandyq maqsattarǵa qol jetkizý úshin ulttyq jáne aımaqtyq deńgeılerde batyl áreket etý jáne tyǵyz áriptestik qajet. Bizdiń elder arasyndaǵy yntymaqtastyq pen ózara is-qımyldy odan ári keńeıtý BUU qurylymdarynyń belsendi qatysýymen turaqty jáne órkendegen Ortalyq Azııa qurýǵa yqpal etetinine senimdimin», dedi Álıhan Smaıylov.
