Koronavırýs • 24 Maýsym, 2022

Eýropada koronavırýs juqtyrǵandardyń sany artty

22 ret kórsetildi

Eýropa elderinde koronavırýs ınfeksııasyn juqtyrý jaǵdaılary artyp keledi, dep habarlaıdy Egemen.kz Qazaqstanda COVID-19 taralýyna jol bermeý jónindegi vedomstvoaralyq komıssııa málimetine silteme jasap.

Jazdyń bastalýymen koronavırýstyń «omıkron» nusqasy men onyń jańa formalarynyń órshýi kútiledi. Statıstıka málimetterine arnalǵan «Our World in Data» saıtyndaǵy derekke súıensek, Portýgalııa, Germanııa, Fransııa, Italııa, Ispanııa, Gresııa, Danııa jáne Nıderlandta vırýsqa shaldyǵý jaǵdaılary kún sanap artyp keledi.

Portýgalııa mamyr aıynyń ortasynan ınfeksııanyń ósimimen kúresýde. Eýropa elderi arasynda munda ınfeksııany juqtyrýdyń aptalyq kórsetkishi eń joǵary. «Omıkronnyń» jańa – BA.5 nusqasy epıdemıologııalyq ahýaldyń nasharlaýyna sebep bolyp otyr. Portýgalııada naýqastardyń 90% vırýstyń osy túri anyqtalǵan.

Sondaı-aq Portýgalııada sońǵy aptada ólim-jitim de artty. «Our World in Data» málimetine sáıkes, Batys Eýropanyń barlyq elderi arasynda halyq ólimi Portýgalııada eń joǵary.

Germanııada 100 myń turǵynǵa shaqqandaǵy syrqattanýshylyqtyń aptalyq kórsetkishi 400-den asady. Robert Koh atyndaǵy ınstıtýt sońǵy táýlik ishinde koronavırýsty juqtyrǵandar sany taǵy 119 myń adamǵa artqanyn habarlady. Buǵan ınfeksııanyń BA.4 jáne BA.5. nusqalary sebep bolýy múmkin. Biraq ınstıtýt basshysy orynbasarynyń aıtýynsha, qorǵaný sharalaryn alyp tastaý koronavırýsqa qatysty ahýaldy nasharlatýy múmkin.

Italııada aýrýdyń aptalyq ındıkatoryna sáıkes, naýqastardyń sany kúrt artty. Italııa Densaýlyq saqtaý mınıstrliginiń dereginshe, indet ekinshi apta qatarynan órship keledi. Vırýstyń taralý jyldamdyǵy taǵy da epıdemııa deńgeıine jetti.

Aıana Toǵanbek

Sońǵy jańalyqtar

Uqsas jańalyqtar