«Bul saparǵa shyǵýymnyń úsh maqsaty bar. Birinshiden, týǵan jerim Ulytaýdyń mádenı-tarıhı murasyn nasıhattaımyn. Ekinshiden, qymyzdyń paıdaly qasıetterine jurtshylyqtyń nazaryn aýdarǵym keledi. Onyń ústine IýNESKO-men kelisimim bar. Qazaqstandy aralap, myńnan astam qolónershiler týraly málimet jınasam, olar jeke saıtqa enip, sol arqyly dúnıejúzine tanymal bolady», deıdi Sársenbaı Qotyrashov jergilikti basylymǵa bergen suhbatynda.
Saparyn Ulytaýdan bastaǵan aqsaqal naýryz aıynyń sońynan beri jol júrip keledi. Osy ýaqyt ishinde ol aıaq kıimniń bes jubyn tozdyryp úlgergen. Dese de, ol jolyna «bir tıyn» jumsamaǵanyna rıza.
