Aımaqtar • 24 Maýsym, 2022

ShQO turǵyndarynan mına men qarý tárkilendi

28 ret kórsetildi

О́skemen tergeý ızolıatorlarynyń qyzmetkerlerine О́skemen men Semeıdiń eki turǵyny atys qarýy men oq-dárilerdi zańsyz saqtaǵany týraly jedel aqparat kelip tústi, dep habarlaıdy Egemen.kz.
 

Jedel aqparatty alǵan ShQO boıynsha QAJD 156/1 OV qyzmetkerleri ony polısııa qyzmetkerlerine tapsyrdy. Birlesken jedel-izdestirý sharalary barysynda Semeı turǵyny óz úıinde TM-62m tankke qarsy mınany jasyrǵany anyqtaldy.

Sonymen qatar ShQO boıynsha QAJD OV 156/1 jedel bólimi ShQO PD krımınaldyq polısııa basqarmasynyń qyzmetkerlerimen birge atalǵan páterde 16 mm kalıbrli BM úlgisiniń tegis uńǵyly ańshylyq myltyǵyn tapty.

«Er adamdardy qarý alýǵa ruqsat qujaty bolǵan joq. Tárkilengen zattarǵa saraptama taǵaıyndaldy», delingen habarlamada.

«QR Qylmystyq kodekstiń 287-babyna saı «Qarýdy, oq-dárilerdi zańsyz satyp alý, berý, ótkizý, saqtaý, tasymaldaý nemese alyp júrý» boıynsha tergeý amaly júrgizilip jatyr», dedi ShQO boıynsha QAJD OV 156/1 mekemesiniń bastyǵy Qanat Júsipov.

Sońǵy jańalyqtar

Uqsas jańalyqtar