Álem • 27 Maýsym, 2022

Reseı syrtqy qaryzy boıynsha defoltqa ushyrady

30 ret kórsetildi

Reseı sońǵy júz jylda alǵash ret syrtqy qaryzy boıynsha defoltqa ushyrady, dep habarlaıdy Egemen.kz BBC News-ke silteme jasap.

27 mamyrda 100 mıllıon dollar kóleminde prosent tólemi tólenýi kerek bolǵan. Reseı tarapy aqsha Belgııanyń «Euroclear» qarjy qyzmetteri kompanııasyna jiberildi dep málimdedi. Sodan keıin ol tólem ınvestorlar arasynda bólinýi tıis bolatyn. Alaıda tólem buǵattalyp, kredıtorlar dıvıdendterin almaǵan. Aqsha tólem jasalǵan kúnnen bastap 30 kún ishinde túspegendikten bul defolt dep sanaldy.

«Euroclear» barlyq sanksııalardy ustanatynyn málimdedi.

Reseı úkimeti óz tólemderin ýaqytynda jasaǵysy keletinin, 40 mlrd dollarǵa jýyq reseı qaryzy dollarmen nemese eýromen belgilengen, onyń jartysy elden tysqary jerde ekenin aıtty.

Kreml 23 maýsymda qaryz boıynsha barlyq tólemder shartta dollarmen nemese basqa da halyqaralyq valıýtamen kórsetilse de, Reseı banki arqyly rýblmen júrgiziletini týraly buıryq shyǵarǵan. Bul defolt Reseı úshin qaǵaz júzindegi soqqy. Defolt jarııalaǵan elderge ádette qaryz berilmeıdi, biraq Reseıge sanksııalarǵa baılanysty batys naryǵynda onsyz da qaryz berýge tyıym salynǵan.

Reseı sońǵy ret syrtqy qaryzy boıynsha defoltty 1918 jyly jarııalady. Ol kezde kommýnısterdiń kóshbasshysy V.Lenın bolshevıkter revolıýsııasy kezinde Reseı ımperııasynyń qaryzyn tóleýden bas tartqan bolatyn.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar