Úkimet • 29 Maýsym, 2022

Erlan Qoshanov: Bızneske de, Úkimetke de ashyq ári túsinikti salyq júıesi qajet

20 ret kórsetildi

Amanat partııasynyń Tóraǵasy, parlamenttik fraksııa jetekshisi Erlan Qoshanov salyq zańnamasyn jetildirý máselelerine arnalǵan jıynda: «Par­tııa sizderdiń barlyq syndarly usy­nys­taryńyzdy qoldaýǵa daıyn. Búgin­gi talqylaý – jańa salyq júıesin qalyptastyrý jolyndaǵy strategııalyq mindetterdi sheshýdegi úlken birlesken jumystyń bastamasy», dedi. Bul týraly Májilistiń baspasóz qyzmeti habarlady.

– Memleket basshysy alǵa qoıǵan basty mindet – turaqty jáne boljamdy salyq júıesin qalyptastyrý. Iаǵnı naqty tapsyrma berildi. Ol – salyq zańnamasyn negizgi parametrlerge sáıkes turaqtandyrý. Bul, eń aldymen, bıznesti qoldaý, onyń salyq erejeleriniń únemi ózgertilýi saldarynan zardap shekpeýi úshin qajet, – dedi Májilis Tóraǵasy.

Erlan Qoshanov Úkimettiń qosylǵan qun salyǵy (QQS) jáne korporatıvtik tabys salyǵy (KTS) mólsherlemelerin arttyrý týraly usynysyna túsinik bere otyryp, turaqtylyq kólemde emes, ol orta merzimdi ınvestısııalyq kezeńge, máselen, keminde 3 jylǵa arnalǵan mólsherlemelerdiń turaqtylyǵyn bildiretinin atap ótti. Bul ınvestorlarǵa da, kásipkerlerge de túsinikti bolar edi.

Partııa Tóraǵasy salyqtyq ákimshilendirý úderisin únemi jetildirip otyrý qajettigine de nazar aýdardy. 

Sonymen qatar Erlan Qoshanov salyq salýdyń servıstik modeline toqtalǵan alymdar men tólemderdiń kópshiligi avtomattandyrylyp, proaktıvti formatta júzege asyrylýǵa tıis ekenin aıtty. Bul uzaqqa sozylyp kele jatqan salyq júıesin sıfr­landyrý aıaqtalǵannan keıin ǵana múmkin bolady.

– Biz bul týraly birneshe jyldan beri estip kelemiz. Biraq áli kúnge deıin nátıje joq. Eń aldymen sıfrlyq tehnologııalarǵa negizdelgen salyq salýdyń ashyqtyǵyna, qarapaı­ymdylyǵyna jáne salyq organdary­nyń tutynýshyǵa baǵdarlanǵan qyzmetine umtylýymyz kerek, – dedi partııa Tóraǵasy.

Salyq salasynyń ózekti máselelerin talqylaýǵa arnalǵan jıynǵa Premer-Mınıstrdiń orynbasary – Qarjy mınıstri Erulan Jamaýbaev, Kásipkerler quqyqtaryn qorǵaý jónindegi ýákil Rústem Júrsinov te qatysty.

«Atameken» UKP Prezıdıýmynyń tóraǵasy Raıymbek Batalov depýtattar al­dynda salyq zańnamasyn jetildirý jónin­degi palata usynystaryn ortaǵa saldy. «Sheteldik ınvestorlardyń qazaqstandyq keńesi» qaýymdastyǵynyń ókili Roman Iýr­taev salyq júıesiniń turaqtylyǵy men ashyqtyǵy týraly aıtty.

Odan ári Májilis depýtattary Amanjan Jamalov pen Ekaterına Smyshlıaeva sóz sóıledi.

Amanjan Jamalov salyq zańnamasy osydan 20 jyl buryn qalyptasqanyna  qaramastan, salyq júıesin biryńǵaı jáne turaqty dep aıtýǵa kelmeıtinin atap ótti.

– 2001 jyldan beri Salyq kodeksi úsh ret qabyldandy. Qoldanystaǵy – úshinshisi. Oǵan 2017 jyldan bastap 34 Zań aıasynda 707 túzetý engizildi. Normatıvtik quqyqtyq aktilerdiń aqparattyq-quqyqtyq júıesinde Kodekstiń 47 arhıvtik redaksııasy bar. Iаǵnı, ózgerister óte jıi engiziledi. Biraq salyq júıesi modeliniń ózi 2008-2009 jyldardan beri ózgermegen, – dedi depýtat.

Osy rette ádil, turaqty jáne boljamdy salyq saıasatyn qamtamasyz etý bo­ıynsha Prezıdent alǵa qoıǵan mindetterdi sheshý úshin depýtat salyq boıynsha jańa mólsherlemeler qabyldanǵan kúnnen bastap úsh jyldan keıin ǵana kúshine enetini týraly normany Salyq kodeksiniń deńgeıinde bekitýdi usyndy.

Sondaı-aq A.Jamalovtyń pikirinshe, ár túrli salalarda ádil salyq júktemesin qamtamasyz etý qajet, sonymen birge ár túrli salyqtyq emes jáne bıýdjetten tys tólemderdi kodıfıkasııalaý kerek.

О́z sózinde depýtat barlyq mindetti salyqtyq emes tólemder men olardyń mólsherlemeleri biryńǵaı Salyq Kodeksinde kórsetilýi kerektigi týraly ustanymyn jetkizdi. Bul kásipkerler men ınvestorlar úshin naqty sheshim qabyldaýyna septigin tıgizedi.

Sonymen qatar Amanat partııasy frak­sııasynyń múshesi táýekel deńgeıi tómen salyq tóleýshilerdi tekserýden bas tarta otyryp, shaǵyn bıznes úshin arnaıy salyq rejımderin aıaǵyna deıin qaras­ty­rýdy usyndy. Salyq kodeksi tikeleı qolda­nylatyn zańǵa aınalýǵa tıis ekenin atap ótti. Osy oraıda depýtat 2018 jyldan beri Úkimet pen Qarjy mınıstrligi tarapynan Salyq kodeksiniń aıasynda 169 qaýly men buıryq qabyldanǵanyn aıtty.

Al Ekaterına Smyshlıaeva salyq salasyn sıfrlandyrý boıynsha birqatar tásilderdi atap berdi.

Otyrysty qorytyndylaı kele, Amanat partııasynyń Tóraǵasy Erlan Qoshanov salyq salý máselesi boıynsha memleket pen bıznes, eń bastysy halyq múddesi arasynda tepe-teńdik qatań saqtaý fraksııa mindeti ekenin  atap ótti.

Erlan Qoshanovtyń aıtýynsha, qazir Úkimet salyq saıasatynyń jańa tujy­rym­damasy boıynsha jumys júrgizýde. Osyǵan baılanysty Májilis spıkeri kúzge deıin búgin partııa alańynda aıtylǵan barlyq usynystardy eskerý qajettigin aıtyp, ony Májilis janynan qurylǵan Qoǵamdyq Palata otyrystarynyń birinde ashyq talqylaýdy usyndy.

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar