«Nurly jer» memlekettik baǵdarlamasy boıynsha sementsiz kópqabatty úı turǵyzǵan merdigerge aıyppul salyndy.
Tekserýdi Jańaarqa aýdany ákimdigi men Memlekettik sáýlet-qurylys baqylaý basqarmasynyń bólimderi júrgizdi. Birneshe qatar kirpish qalaǵan kezde jumysshylar sement qoldanbaǵan. Osyǵan baılanysty úı tolyǵymen buzylmaıdy, biraq sapasyz jerler qaıta jasalady.
Memlekettik qurylys komıteti qurylys merdigerine 400 AEK (shamamen 1,2 mln teńge) kóleminde aıyppul salynǵanyn habarlady. Qurylys barysyn tehnıkalyq qadaǵalaýdy júzege asyrýy tıis saraptama uıymyna da aıyppul salyndy. Aıyppul 60 AEK-ti (shamamen 180 myń teńge) qurady, sonymen qatar, uıym alty aıǵa lısenzııasynan aıyryldy.
