Týrızm • 30 Maýsym, 2022

Kids Go Free: 230 balanyń bılet quny sýbsıdııalandy

30 ret kórsetildi

Bıyldan bastap elimizde týrpaket sheńberinde saıahattaıtyn 2-17 jas aralyǵyndaǵy balalarǵa bılet qunyn sýbsıdııalaıtyn Kids Go Free baǵdarlamasy kúshine engeni belgili. Atal­ǵan joba tek el ishinde demalatyn balalardyń áýe bıletin tegin alýǵa múmkindik beredi.

Baǵdarlamany júzege asyrýshy Kazakh Tourism ulttyq kompanııasynyń málimeti boıynsha, qazirgi tańda sommasy 5,2 mln teńge bolatyn 230 balanyń bılet qunyn sýbsıdııalaý boıynsha 118 ótinim túsken. Baǵdarlama aıasynda suranysqa ıe baǵyttar – Túrkistan, Almaty jáne Mańǵystaý oblystary. Týrlardyń ortasha baǵasy – 320 myń teńge. Eń arzan týr Almatyda 82 myń teńgege satylǵan. Al qazirshe eń qymbat baǵyt – Aqtaý qalasy bolyp tur. Onda týr 1,2 mln teńgege satylǵan.

Sondaı-aq atalǵan baǵdarlamany Qazaqstan Respýblıkasynyń azamattary ǵana paıdalana alady. Baǵdarlama talaptary boıynsha, kámeletke tolmaǵan balalar áýe reısine tek ata-anasy jáne ózge de eresek jaqyn týys­tarymen birge otyrǵyzylady, baǵdarlama tek týrpaket sheńberindegi saparlarǵa ǵana jaramdy jáne týrpaket ishki týrızmde lısenzııasy bar týr­operatordan satyp alynýǵa tıis. Atalǵan erejeler saqtalǵan jaǵdaıda, týrıstik joldamany satyp alý kezinde balalardyń áýe bıletiniń quny alynyp tastalady. Baǵdarlama aıasynda týroperatorlardyń shyǵyndary memleket esebinen óteledi.

Saıahat baǵytynda qyzmet kórsetetin kompanııalar týrısterdiń demalý merzimi aıaqtalǵannan keıin Kazakh Tourism UK-na qujattar ázirlep, sýbsıdııalaý boıynsha ótinim berýge tıis. «Belgilengen qujattar toptamasy tolyq bolsa, uıym 10 jumys kúni ishinde sýbsıdııa tóleý nemese sýbsıdııa tóleýden bas tartý týraly sheshim qabyldaıdy. Keıin 45 jumys kúni ishinde sýbsıdııa somasy týroperatordyń kórsetilgen shotyna aýdarylady», dep kórsetilgen ulttyq kompanııanyń habarlamasynda.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar