Aımaqtar • 03 Shilde, 2022

Almatydaǵy qurylys bazarynda órt shyqty

22 ret kórsetildi

Búgin túngi saǵat úshte Alataý aýdanyndaǵy «Baqorda» bazarynyń aýmaǵynda ornalasqan qurylys materıaldaryn satatyn saýda núktesi órtendi, dep habarlaıdy Egemen.kz.

Almaty qalalyq Tótenshe jaǵdaılar departamentiniń málimetinshe, túngi 03:10 shamasynda órt sóndirý brıgadasy «Baqorda» bazary aýmaǵynda ornalasqan qurylys zattaryn satatyn saýda ornyna joǵary rang boıynsha shyqty.

«Oqıǵa ornyna 8 mınýtta jetken órt sóndirýshiler shatyr astyna qatarlap kesilgen aǵash materıaldarynyń ashyq jalynmen janyp jatqanyn anyqtady. Qyzyl jalyn «Baqorda» saýda ortalyǵyna taralý qaýpi týyndady. Dereý órt ornynda jedel shtabtyń jumysy bastaldy, ónimdiligi joǵary órt oqpandary engizildi, órt avtopoezi iske qosylyp, úıindilerdi alyp tastaý úshin qutqarý qyzmetiniń aýyr-shynjyr tabandy tehnıkasy tartyldy», dep habarlady departamentten.

2207031254484416g.jpg

2207031254462960g.jpg

Qabyldanǵan jedel sharalarmen tilsiz jaý bir saǵat ishinde oqshaýlanyp, jalpy aýdany 2 myń sharshy metrdi sharpyǵan órt tańǵy 06:35-te tolyǵymen sóndirildi.

О́rtti sóndirýge 21 birlik tehnıka men jeke quramnan 64 adam jumyldyryldy.

Qaza bolǵandar men zardap shekkender joq.

Qazirgi ýaqytta órttiń shyǵý sebebi anyqtalýda.

2207031254454781g.jpg

Sońǵy jańalyqtar

Uqsas jańalyqtar