Tennıs • 03 Shilde, 2022

Tennısshiler «Prezıdent kýbogynda» baq synaıdy

13 ret kórsetildi

Elordada 17-24 shilde aralyǵynda Ulttyq tennıs ortalyǵynyń jazǵy hard korttarynda ATP Challenger Tour jáne ITF Women’s World Tennis Tour serııasyna enetin halyqaralyq «Prezıdent kýbogy» týrnıri ótedi.

Bıylǵy «Prezıdent kýbogynda» el namysyn elimizdiń ulttyq jáne jastar quramasynyń músheleri, atap aıtqanda, Mıhaıl Kýkýshkın, Dmıtrıı Popko, Tı­mofeı Skatov, Beıbit Juqaev, Denıs Evseev, Grıgorıı Lomakın, Maksım Batıý­tenko, Gozal Aınıtdınova, Jibek Qulam­baeva, Arýjan Saǵyndyqova, San­dýǵash Kenjebaeva syndy álemdik deń­geıdegi korttarda óner kórsetip júrgen tennısshiler qorǵaıdy.

Sondaı-aq elordaǵa alys-jaqyn shet­eldegi eń myqty degen tennısshiler de keledi dep kútilýde. Máselen, qyzdar ara­syndaǵy báseke kórigin Grýzııanyń birin­shi raketkasy  – Ekaterına Gorgodze (WTA reıtıngte 144-orynda), 2020 jylǵy jup­tyq syndaǵy Olımpııa oıyndarynyń qola júldegeri, brazılııalyq Laýra Pıgossı (124), tennıs mamandary tarapynan Che­hııa tennısiniń bolashaq juldyzyna balan­ǵan Lında Frýhvırtova (176), byl­tyrǵy «Prezıdent kýbogynyń» chempıony, grýzııalyq Marıam Bolkvadze (185) qyzdyrmaq.

Erler básekesinde baq synaıtyn tennıs­shiler de qara jaıaý emes. Elimizdegi bedeldi jarysqa jyl saıyn álemniń eń úzdik tennıs­­­shileri qatysatyny jankúıerlerge aıan. Atap aıtqanda, «Prezıdent kýbogynda» ár jyldary Danııl Medvedev (álem­niń qazirgi birinshi raketkasy), Andreı Rýb­lev (ATP reıtınginde 8-orynda), Ka­ren Ha­chanov (22), Mıomır Kesmanovıch (30), Se­bastıan Korda (46), Maks Persell jáne bas­qa da tanymal oıynshylar óner kórsetti.

Sonaý elimiz táýelsizdik alǵan jyldan beri, ıaǵnı 1991 jyly tusaýy kesilgen «Prezıdent kýbogy» jarysy jyl saıy­n elordada jaz mezgilinde uıym­das­ty­ry­lady. 2007 jyly «Prezıdent ký­bogy» básekesi áıelder arasyndaǵy ITF jáne erlerdiń ATP týrnıriniń baǵ­dar­la­ma­sy­na enip, sol jyldan beri halyq­ara­lyq dárejedegi týrnır retinde uıym­das­ty­ry­lyp keledi.

Sol ýaqyttan beri bul jarysta qazaq­standyqtardan Mıhaıl Kýkýshkın men Andreı Golýbev, ýkraınalyq Ilıa Mar­chenko, aýstrııalyq Sebastıan Offner, Germanııa quramasynyń qazirgi kapıtany Raıner Shattler, Aýstralııa ashyq chem­pıonatynyń jáne «Rolan Garros» chempıony horvat Ivan Dodıg, juptyq synda «Úlken dýlyǵa» sanatyndaǵy týrnırdiń eki dúrkin jeńimpazy qytaılyq Chjan Shýaı sekildi tennısshiler top jarǵan.

Sońǵy jańalyqtar

Uqsas jańalyqtar