Tennıs • 04 Shilde, 2022

Tórtinshi aınalymǵa shyqty

15 ret kórsetildi

Tennısten Qazaqstannyń áıelder ara­syndaǵy birinshi raketkasy Elena Rybakına Londonda ótip jatqan «Ýımbldon» týr­nıriniń 1/8 fınalyna joldama aldy.

Ekinshi aınalymda 2019 jylǵy US Open chempıony kanadalyq Bıanka Andreeskýdi 6:4, 7:6 (7:5) esebimen tize búktirgen jerlesimiz týrnırdiń úshinshi aınalymynda da azýly qarsylasynan aılasyn asyrdy. Bul kezeńde otandasymyz álemniń 52-raketkasy qytaılyq Sınven Jenmen sheberlik baıqasty. Birinshi partııanyń besinshi setinen keıin E.Rybakına 4:1 esebimen alǵa shyǵyp alǵanymen, qytaı­lyq tennısshi jyldam tarazy basyn teńes­tirip ketti – 6:6. Degenmen taı-breıkte jer­lesimizdiń baǵy jandy – 7:6 (7:4).

Ekinshi sette de tarazy basy uzaq ýaqyt teńselip turdy – 5:5. Qarsylas dopty oıynǵa qosqan sette Elena breık jasap, 6:5 esebimen alǵa shyǵyp aldy. Sodan keıin óz múmkindigin múlt jibergen joq – 7:5. E.Rybakına shırek fınalǵa shyǵý úshin horvatııalyq Petra Martıchpen oınaıdy.

О́kinishke qaraı, A.Býblık pen A.Nedovesov týrnırdiń tórtinshi kezeńine shyǵa almady. Býblık úshinshi aınalymda AQSh ókili Frensıs Tıafodan, Nedovesov pákistandyq Aısam Kýreshımen birge juptyq synda Rafael Matos (Brazılııa) men Davıd Vega-Ernandesten (Ispanııa) jeńilip qaldy.

Sońǵy jańalyqtar

Uqsas jańalyqtar