Sport • 04 Shilde, 2022

Vaýt van Art birinshi orynda keledi

12 ret kórsetildi

Danııanyń bas shahary – Kopengagende bastalǵan «Týr de Frans» kópkúndiginiń alǵashqy eki kezeńi artta qaldy.

Roskılle men Nıýborg qalalaryn jalǵaǵan ekinshi kezeńde Nıderland ókili Fabıo Iаkobsen (Quick Step Alpha Vinyl Team) jeńiske jetti. 25 jastaǵy veloshabandoz 199 shaqyrym qashyqtyqty 4 saǵat 34 mınýt 34 sekýndta júrip ótti. Máre syzyǵyn ekinshi bolyp Vaýt van Art (Jumbo – Visma) kesse, úshinshi orynǵa danııalyq Mads Pedersen (Trek-Segafredo) jaıǵasty. Eki sportshy da márege jeńimpazben bir ýaqytta keldi. Ekinshi kezeńde «Astana» ókilderi arasynda eń úzdik nátıjege komanda kapıtany Alekseı Lýsenko qol jetkizdi. Ol márege 45-shi bolyp jetti.

Eki kezeńniń qorytyndysy boıynsha jalpy esepte belgııalyq Vaýt van Art (Jumbo – Visma) kósh bastady. Ony Quick Step Alpha Vinyl Team komandasynyń ókili Iv Lampart ókshelep keledi. Ekeýiniń arasyn bir sekýnd bólip tur. Úshinshi oryndy «Týr de Franstyń» eki dúrkin jeńimpazy slovenııalyq Tadeı Pogachar (UAE Team Emirates) ıelenýde. Kóshbasshydan 45 sekýndqa qalyp qoıǵan Alekseı Lýsenko úzdikter qatarynda 34-orynda tur.

Sońǵy jańalyqtar

Uqsas jańalyqtar