Qoǵam • 05 Shilde, 2022

Memleketke 265 mln teńge shyǵyn keltirgen alaıaqtar sottaldy

19 ret kórsetildi

Qarjy monıtorıngi agenttiginiń Qaraǵandy oblysy boıynsha departamenti Amangeldi Qýanysh bastaǵan bir top tulǵalar men uıymdastyrýshylarǵa qatysty jalǵan shot-faktýralardy jazyp berý faktisi boıynsha tergeýdi aıaqtady, dep habarlaıdy Egemen.kz.

Agenttiktiń málimetinshe, Amangeldi Qýanysh 2017-2019 jyldar aralyǵynda úsh sybaılasymen birge zańsyz áreket etken.

«Uıymdastyrýshy múliktik paıda alý maqsatynda salyq salynatyn aınalymdy jasandy ulǵaıtý úshin baqylaýdaǵy tulǵalarǵa 29 kásiporyn tirkedi. Qylmystyq árekettiń nátıjesinde memleketke 265 mıllıon teńgeden astam mólsherde zalal keltirildi», delingen QR QMA baspasóz qyzmetiniń habarlamasynda.

Sot úkimimen Amangeldi Qýanysh, Fýrınes Dmıtrıı, Zınchenko Sergeı jáne Amangeldi Aıdos kináli dep tanylyp, qylmystyq-atqarý júıesi mekemesinde jazasyn óteýmen 2 jyldan 2,5 jylǵa deıin bas bostandyǵynan aıyryldy.

Uqsas jańalyqtar