Fýtbol • 06 Shilde, 2022

«Ordabasy» kóshbasshylar qataryna qosyldy

20 ret kórsetildi

Ulttyq quramanyń Ulttar lıgasyndaǵy oıyndaryna baılanysty ýaqytsha toqtatylǵan fýtboldan el chempıonaty araǵa úsh týr salyp taǵy da úziliske shyqty. QPL básekeleri bul joly qazaqstandyq komandalardyń Eýrokýboktaǵy jáne el kýbogyndaǵy oıyndaryna baılanysty toqtatyldy. Tamyzdyń ekinshi jartysyna deıin sozylatyn ýaqytsha úzilisti paıdalanyp, klýbtardyń keshegi kúnge deıingi týrnır kestesine sholý jasap kórgen edik.

Aldymen Eýrokýbok jarystarynda óner kórsetetin komandalardyń jaı-kúıine toqtalsaq. Búgin Chempıondar lıgasynda baq synaıtyn Qostanaıdyń «Tobyly» óz alańynda Majarstannyń «Ferensvarosh» klýbyn qabyldaıdy. Match elorda ýaqytymen saǵat 20:00-de bastalady.

Qostanaı komandasy chempıonattaǵy keıingi úsh týrdyń barlyǵynda jeńiske jetkenimen, oıyny jergilikti jankúıerlerdiń kóńilinen shyǵyp jatyr dep aıta almaımyz. Alǵashqy eki kezdesýde «Kaspıı» (1:0) men «Qyzyljardan» (3:1) basym túskenimen, 16-týrda syrt alańda chempıonat aýtsaıderiniń biri «Turanmen» teń oınaýǵa májbúr boldy – 2:2. Kezdesýdiń 85-mınýtyna deıin 2:0 esebimen jeńilip jatqan «Tobyl», abyroı bolǵanda, sońǵy mınýttarda tarazy basyn teńestirip, jeńilisten qutylyp ketti. 16-týrdan keıin (13-týr oıyndary tamyz aıyna shegerilgen) «Tobyl» týrnır kestesinde 25-upaımen tórtinshi orynǵa jaıǵasqan.

Konferensııa lıgasynda bıyl qatarynan ekinshi jyl baq synaıtyn elordanyń «Astanasy» úsh týrda qarsylastarynyń qaqpasyna 10 gol soǵyp, óz qaqpasyna 4 gol ótkizip aldy. 14-týrda «Astana Arenada» «Aqsý» qaqpasyna jaýapsyz bes gol soqsa, 15-týrda syrt alańda «Aqtóbeden» iri eseppen jeńildi – 4:1. Al úsh kúnge jalǵasqan 16-týrda óz alańynda «Maqtaraldy» 4:0 nátıje­s­imen qapy qaldyrdy. Bul oıynda «Asta­nanyń» horvatııalyq legıoneri Marın Tomasov het-trıktiń avtory atansa, jas oıynshy Sultan Saǵynaev kezdesýdiń núktesin qoıdy. Elordalyqtar osy jeńisinen keıin týrnır kestesinde 27 upaımen jeke-dara kósh bastady.

Qazaqstandyq klýbtar arasynda birinshi bolyp Konferensııa lıgasynyń toptyq kezeńinde óner kórsetken Almatynyń «Qaıraty» bıyl­ǵy el chempıonatyn óte sátsiz ótkerýde. Birinshiliktiń 16-týrynan keıin «Qaırat» 23 upaımen 6-orynǵa jaıǵasqan. Jýyrda komandadan bas bapker Qurban Berdyev pen Polsha ulttyq quramasynyń oıynshysy Iаsek Gýralskı ketip, klýb odan ári qıyn jaǵdaıda qaldy. «Qaırat» sońǵy úsh týrdyń ekeýinde «Maqtaral» (1:0) men «Aqjaıyqty» (2:0) jeńip, «Tarazben» teń oınady – 1:1.

Al Eýrokýbok oıyndaryna bıyl tuńǵysh ret qatysqaly jatqan «Qyzyljardyń» da chempıonatta kórsetip jatqany oıyny kóńil kónshitpeıdi. Byltyrǵy el birinshiligin joǵary deńgeıde ótkizgen Petropavldyń komandasy bıyl sol qarqynyn joǵaltyp aldy. 16-týrdyń nebári úsh-aq oıynynda jeńiske jetken «Qyzyljar» týrnır kestesinde 15 upaımen 12-orynda keledi. Keıingi úsh týrda olar syrt alańda «Shahterdi» jeńgenimen (2:1), qalǵan eki oıynda «Tobyl» (3:1) men «Aqsýdan» (1:0) jeńilip qaldy.

Konferensııa lıgasyna qatysatyn úsh komanda da jarysty ekinshi irikteý kezeńinen bastaıdy. «Astana» syrt alańda Polshanyń «Rakýv» klýbymen kezdesse, «Qaırat» Al­ma­tyda Majarstannyń «Kıshvarda», «Qyzyl­jar» elordada Horvatııanyń «Osıek» komandasyn qabyldaıdy. Alǵashqy oıyndar 21 shildede ótedi.

Sondaı-aq chempıonattyń keıingi oıyndarynda Qazaqstannyń jáne sheteldiń úzdik oıynshylarynan quralǵan «Aqtóbe» men kil jastardan jasaqtalǵan Shymkenttiń «Ordabasy» jaqsy nátıje kórsete bastady. Sol oıyndarynyń arqasynda eki ujym da týrnır kestesiniń alǵashqy úshtigin túıindep tur. «Aqtóbe» sońǵy tórt oıynda «Shahter» (3:2), «Astana» (4:1), «Atyraý» (2:0) jáne «Tobyl» (2:1) klýbtarynan basym tússe, «Ordabasy» «Kaspıı» (4:1), «Aqjaıyq» (1:0), «Taraz» (3:2) jáne «Aqsýdy» (3:0) qapy qaldyrdy.

Alǵashqy aınalymǵa deıin táýir oıyn kórsetip, bir kezderi týrnır kestesinde kósh bastaǵan «Taraz» keıingi tórt oıynda jeńiske jete almaǵan joq. Súreńsiz oıyn kórsetip kele jatqan komandalardyń qatarynda «Maq­taaral», «Aqjaıyq», «Kaspıı», «Aqsý», «Shah­ter» sııaqty komandalar da bar.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar