Mınıstrdiń buıryǵy «Ádilet» normatıvtik quqyqtyq aktilerdiń aqparattyq-quqyqtyq júıesinde jarııalandy.
«Buıryqpen bekitilgen orta bilim berý uıymdaryna arnalǵan oqýlyqtardyń, mektepke deıingi jáne orta bilim berý uıymdaryna arnalǵan oqý-ádistemelik keshenderdiń, onyń ishinde elektrondyq nysandaǵy tizbesi osy buıryqqa qosymshaǵa sáıkes jańa redaksııada jazylsyn», delingen qujatta.
Sondaı-aq vedomstvo basshysy Mektepke deıingi jáne orta bilim berý komıteti Qazaqstan Respýblıkasynyń zańnamasynda belgilengen tártipke sáıkes atalǵan buıryqty Ádilet mınıstrliginde memlekettik tirkeýden ótkizýin mindetteıdi. Resmı tirkeýden ótken soń buıryq Oqý-aǵartý mınıstrliginiń resmı saıtynda ornalastyrylady.
Mektep oqýlyqtary men mektepke deıingi jáne orta bilim berý uıymdaryna arnalǵan oqý-ádistemelik keshenniń elektrondyq nusqasymen myna silteme arqyly tanysýǵa bolady.
