«Qazaqstandyq jankúıerler QFF tarapynan qoǵamdyq tártip pen jarys erejelerin qatań saqtaýǵa qatysty aıtqan úndeýlerine qaramastan Slovakııamen ótken matchta trıbýnadan jasyl alańǵa ártúrli zat laqtyrdy. Bul áreketter match delegatynyń esebine tirkelip, ÝEFA tártiptik-baqylaý jáne ádep ınstansııasynyń jıynynda qaraldy. Onyń qorytyndysy boıynsha Qazaqstan fýtbol federasııasyna 11 625 eýro aıyppul salyndy», delingen QFF habarlamasynda.
Aıta keteıik, ÝEFA Qazaqstan quramasyn jankúıerlerdiń tártipsizdigi úshin birinshi márte jazalap turǵan joq. Buǵan deıin naýryz aıynda Moldovamen ótken oıynnan keıin de 19 250 eýro kóleminde aıyppul salǵan bolatyn. Eger mundaı jaǵdaı aldaǵy oıyndarda da qaıtalanatyn bolsa, onda ÝEFA Qazaqstan quramasynyń keıingi matchtaryna jankúıerlerdi kirgizbeý týraly sheshim shyǵarýy da ǵajap emes.
