«Aqtóbede 66 jastaǵy zeınetker óziniń jyljymaıtyn múlki men barlyq qarajatynan aıyryldy. Naqtylasaq, shilde aıynda ózin bank qyzmetkeri dep tanystyrǵan belgisiz er adam zeınetkerge qońyraý shalǵan. Alaıaq bul operasııany ádettegi jumys dep túsindiredi. Tipti, jábirlenýshige bank shotyn qorǵaý týraly usynys aıtady. Sóıtip, kúdikti zeınetkerden barlyq jınaǵyn depozıtten «qaýipsiz» shotqa aýdarýǵa keńes beredi. Múlkin satýdy usynady. Jábirlenýshi senip, jalpy kólemi 24 mln teńge aqshasynan aıyryldy», dedi oblystyq PD baspasóz qyzmetiniń jetekshisi Erbolat Sarqulov.
Qazir QR QK-niń «Alaıaqtyq» baby boıynsha sotqa deıingi tergeý júrgizilip, kúdiktilerdi anyqtaý men ustaýǵa baǵyttalǵan jedel is-shara júrgizilip jatyr.
Tártip saqshylary alaıaqtardan saqtaný qajettigin, tipti bank qyzmetkerine de jeke shottary men kartalaryna qatysty SMS kod jáne basqa da derbes aqparatty aıtýǵa bolmaıtynyn eskertedi.
«Bankter men tólem júıeleri eshqashan hat jibermeıdi nemese klıentterdiń telefondaryna qońyraý shalyp, shot derekterin berýdi suramaıdy. Bank qyzmetkerlerinde barlyq qajetti málimet bar», deıdi Erbolat Sarqulov.
