Nur-Sultan qalasy ákimdiginiń málimeti boıynsha, jóndeý jumystary 16 shilde – 15 tamyz aralyǵynda júrgiziledi. Osy ýaqytta M-1 kópiriniń Baýyrjan Momyshuly dańǵylynan bastap Máńgilik el dańǵyly – Saraıshyq kóshesi qıylysyndaǵy kólik aıyrymyna deıingi bóligi qozǵalys úshin ishinara jabylady.
«Elorda turǵyndary men qonaqtary qala joldarynda keptelis týdyrmaý úshin qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz», delingen basqarmanyń habarlamasynda.
