О́kilderdiń alǵashqy basqosýy

Beıjiń qalasynda «6+5» formatynda Shanhaı ynty­maqtastyq uıymyna múshe memleketterdiń ulttyq úıles­tirýshileri jáne ShYU janyndaǵy baqylaýshy memle­ketterdiń quzyretti ókilderi arasynda Uıymnyń tarıhynda alǵashqy kezdesý ótti. ShYU-ǵa múshe memleketterdiń, ShYU Hatshylyǵy men Aımaqtyq lańkestikke qarsy qurylymnyń Atqarýshy komıtetiniń ókilderi óz sózderinde Uıym janyndaǵy baqylaýshy memlekettermen yntymaqtastyqty odan ári nyǵaıtýǵa nıet bildirdi. Atalǵan yntymaqtastyq ShYU-nyń áleýetin arttyrýǵa, osy uıym jumysynyń nátıjeliligin keńeıtýge múmkindik beredi jáne oǵan kiretin memleketterdiń múddelerine tıimdi bolady, dep atap ótti olar. Baqylaýshy memleketter ókilderi ShYU is-sharalaryna túrli dárejelerde qatynasýyn belsendi etýge qyzyǵýshylyq bildirdi. Qazaqstandyq delegasııany Shanhaı yntymaqtastyq uıymy qyzmetiniń máseleleri jónindegi ulttyq úılestirýshi, Syrtqy ister mınıstrliginiń Erekshe tapsyrmalar jónindegi elshisi Shahrat Nuryshev basqardy. Qazaqstan delegasııasynyń basshysy óz sózinde ShYU janyndaǵy baqylaýshy memlekettermen birlesken yntymaqtastyq komıtetterin nemese naqty baǵyttary jónindegi baılanys toptaryn qurý týraly, sonymen qatar, baqylaýshy memleketterge ShYU-ǵa múshe memleketterdiń resmı ashyq qujattaryn joldaýdyń múmkindigi bar ekenin atap ótti. «Egemen-aqparat».