Astanadaǵy saýda oryndarynda merekelik jeńildikter usynylady

ASTANA. 30 sáýir. Astanada birqatar sýpermarketter men saýda, oıyn-saýyq ortalyqtarynda 1 Mamyr merekesine baılanysty jeńildikter jasalady. Bul týraly astana.gov.kz saıty habarlady.

Elordamyzdaǵy halyq jıi bas suǵatyn «Azııa Park», «Kerýen», «Saryarqa», «Han shatyr» jáne «Mega Astana» saýda, oıyn-saýyq ortalyqtarynda birshama jeńildikter qarastyrylyp, aksııalar uıymdastyrylmaq. Al osy atalǵan oryndarda radıo arqyly kúni boıy kelýshilerge quttyqtaý sózder aıtylady. «Saryarqa» ortalyǵynda «Qazaqstan tulǵalary» atty fotokórme kópshilik nazaryna usynylady. Sondaı-aq, «Metro kesh end Kerı» jáne «Tulpar» saýda ortalyqtaryna kelgen tutynýshylardy merekelik kıim kıgen qyzdar qarsy alady. «Anvarǵa» bas suqqan adamdar túrli taǵamdardy tómendetilgen baǵamen satyp alady. Sol sııaqty, «Rahmet» saýda ornynda qaıyrymdylyq kórmesi ótse, al «Aprel», «Green» saýda jelisi jáne «Green Mart» gıpermarketinde aksııalar men merekelik jeńildikterden basqa kýpondar, dıskonttyq kartalar taratylady. Sonymen qatar, mundaı sharalardan «Álem», «Eýrazııa», «Ortalyq bazar», «Etalon», «Qamqor Astana», «Kóktal», «Moskva» jaýapkershiligi shekteýli seriktestigi men «Spýtnık» sýpermarketi de tys qalmaıdy. Taǵy bir erekshe toqtala keter jáıt, «Astyqjan» saýda ortalyǵy» jaýapkershiligi shekteýli seriktestiginde merekelik kóńil-kúı bir aıǵa sozylady dep kútilýde. Budan bólek, munda mamyrdyń sońynda árbir zeınetker úshin barlyq taýarlarǵa 5 paıyzdyq jeńildikter usynylady jáne osy aıdyń ár senbisinde «Demalys senbisi» aksııasy ótkizilmek. Joldybaı Bazar. Derekkóz: astana.gov.kz. Foto: wikicity.kz.