Kezedsýge Eýropalyq syrtqy is-qımyl qyzmetiniń Reseı, Shyǵys áriptestik, Ortalyq Azııa jáne EQYU boıynsha basqarýshy dırektorynyń orynbasary Lıýk Devın de qatysty. Qazaqstan men EO arasyndaǵy yntymaqtastyqty nyǵaıtýdyń aǵymdaǵy jaǵdaıy men perspektıvalary, sondaı-aq EO-nyń Ortalyq Azııa boıynsha strategııasy sheńberinde óńiraralyq baılanystardy odan ári damytý máselesi qozǵaldy.
Taraptar yntymaqtastyqtyń barlyq spektri boıynsha ózara is-qımyldyń joǵary deńgeıin jáne joǵary deńgeıdegi turaqty baılanysty atap ótti. Bıylǵy 4 shildede Prezıdent Qasym-Jomart Toqaev jáne Eýropalyq Keńestiń Prezıdenti Sharl Mıshel telefon arqyly sóılesti. Sonymen qatar Qazaqstan men Eýropalyq odaq, sondaı-aq Ortalyq Azııa – Eýropalyq odaq dıalogty odan ári nyǵaıtýǵa baǵyttalǵan birqatar is-sharalar josparlanǵan.
«Eýropalyq odaq Qazaqstanmen saıası, ekonomıkalyq jáne óńirlik dıalogty sapaly damytýǵa erekshe mán beredi. Qazaqstan Prezıdenti júrgizip jatqan reformalardy qoldap, olardy iske asyrýǵa járdemdesýge daıyn», dedi T.Hakala.
Osy turǵyda eýropalyq tarap aǵymdaǵy jylǵy 5 maýsymda ótkizilgen konstıtýsııalyq referendýmnyń qorytyndylaryn quptady. Taraptar kólik-logıstıka salasyndaǵy yntymaqtastyqty tereńdetýdiń jáne Transkaspıı halyqaralyq kólik baǵdaryn damytýdyń ózektiligin atap ótti. Energetıkalyq jáne azyq-túlik qaýipsizdigin qamtamasyz etýdiń mańyzyna erekshe kóńil bólindi.
О́z kezeginde R.Vasılenko Eýropa men Azııa arasyndaǵy ózara baılanys strategııasy jáne «Jahandyq qaqpa» strategııasy aıasynda Qazaqstan Eýropalyq odaqpen ózara tıimdi yntymaqtastyqqa múddeli ekenin málimdedi.
Kezdesý qorytyndysy boıynsha taraptar ekijaqty jáne óńiraralyq formattaǵy strategııalyq áriptestikti odan ári tereńdetý úshin tyǵyz ózara is-qımyldy jalǵastyrýǵa kelisti.
