Jambyl oblysy Polısııa departamenti Krımınaldyq polısııa basqarmasynyń qyzmetkerleri KTÚ-158/1 qyzmetkerlerimen birlesip jedel-izdestirý is-sharalaryn júrgizý kezinde zırat aýmaǵynda qarý-jaraq pen oq-dáriler salynǵan jasyryn qoımany anyqtaǵan. Eki oqjatary bar «AKS-74Ý» avtomaty, 9 mm kalıbrli «ME-38 Marchal» travmatıkalyq revolveri, 1 jaryq-shýyldy granata, 5,45 mm kalıbrli 11 oq dári, 9 mm kalıbrli 38 oq dári, 12 kalıbrli 2 oq dári jáne 5,45 mm kalıbrli 8 bos oq dári tárkilendi.
Jambyl oblysynyń Polısııa departamenti qarýdyń, oq-dárilerdiń, arnaıy quraldardyń ornalasqan jeri týraly habarlaǵan nemese olardy polısııaǵa óz erkimen tapsyrǵan adam qylmystyq jáne ákimshilik jaýapkershilikke tartylmaıtynyn eske saldy.
