QR Sybaılas jemqorlyqqa qarsy is-qımyl agenttiginiń Almaty qalasy boıynsha departamenti habarlaǵandaı, azamattardyń 1424 sall-ortalyǵyna sybaılas jemqorlyq faktileri týraly habarlaýy - sybaılas jemqorlyqqa qarsy qyzmetke senim arttyrýda erekshe ról oınaıdy.
«1424 sall-ortalyqtyń operatorlary táýlik boıy sybaılas jemqorlyq týraly habarlamalarǵa jáne bızneske jasalǵan qysymǵa jaýap beredi, shaǵymdardy, pikirlerdi qabyldaıdy, konsýltasııalyq kómek kórsetedi», dep habarlady vedomstvoda.
О́tken jyly 1424 sall-ortalyǵyna 28 ótinish kelip túsken. Onyń 18-i «aqparatty esepke alý kitabynda» tirkeldi. Olar boıynsha qylmystyq jáne qylmystyq is júrgizý zańnamasy aıasynda jumys júrgizilýde.
Sonymen qatar osy jyldyń 6 aıynda sybaılas jemqorlyq faktisin habarlaǵan úsh almatylyqqa 640 myń teńge kóleminde syıaqy tabystaldy.
Aıta ketsek, azamattardy yntalandyrý aqparattyń shynaıylyǵy, sondaı-aq, zańdy kúshine engen sot úkimi bolǵan kezde ǵana júzege asyrylady.
«Syıaqy somasy sybaılas jemqorlyq quqyq buzýshylyqtyń aýyrlyǵyna baılanysty. Para nemese keltirilgen zalal somasy 1 myń AEK-ten aspaıtyn sybaılas jemqorlyq quqyq buzýshylyq týraly habarlama, syıaqy 30-dan 100 AEK-ke deıin quraıdy. Kórsetilgen somadan artyq – syıaqy 10%-dy quraıdy, biraq 4 myń AEK-ten aspaıdy», dep qosty departamentte.
