«Bıyl 15 shildede Memleket basshysy «Qazaqstan Respýblıkasynyń keıbir zańnamalyq aktilerine ınnovasııalardy yntalandyrý, sıfrlandyrýdy damytý, aqparattyq qaýipsizdik jáne bilim berý máseleleri boıynsha ózgerister men tolyqtyrýlar engizý týraly» zańyna qol qoıdy. Atalǵan zań aıasynda sıfrlyq qujattardy qoldaný iske qosyldy. Onyń qatarynda azamattardyń jeke kýáligi de bar. Iаǵnı siz EGovMobile mobıldik qosymshasy arqyly jeke kýáligińizdiń elektrondy nusqasyn júktep alasyz. Odan ári QR kod arqyly jeke basyńyzdy rastaı alasyz», dedi Nazgúl Bajaeva «AMANAT» partııasy alańynda ótken baspasóz máslıhatynda.
Onyń aıtýynsha, búginde QR kod arqyly jeke kýálikti rastaý jumys istep tur. Iаǵnı qazaqstandyqtar endigi ýaqytta jeke kýáliktiń elektrondy nusqasyn qoldana alady.
«Buǵan deıin jeke kýáliktiń elektrondyq nusqasy tek memlekettik qyzmet alǵan kezde halyqqa qyzmet kórsetý ortalyqtarynda ǵana qoldanylǵan edi. Jańa zańǵa sáıkes endi barlyq jerde jeke kýálikti QR kod arqyly kórsetse jarap jatyr», deıdi ol.
