Bul qujat Qazaqstandy sıfrlandyrý maqsatynda qabyldanǵany belgili. Májilis depýtaty, Amanat partııasynyń IT-komıtetiniń tóraıymy Ekaterına Smyshlıaevanyń aıtýynsha, zańnyń mańyzdy tarmaqtarynyń biri aýyldyq eldi mekenderdegi baılanys sapasyn jaqsartý bolyp otyr.
«Energetıkalyq ınfraqurylymǵa súıene otyryp, optıkalyq-talshyqty baılanys jelisin áýeden tartý jónindegi partııalyq bastamany barlyq múddeli memlekettik organdar qoldady. Elimizde elektr jelisi qarqyndy damyǵan. Tipti shalǵaı aýyldyq eldi mekenderde de qýat kózi bar. Baılanys jelisin áýe arqyly tartý – arzan ári jyldam. Sıfrlandyrý týraly zań aýyldarǵa sapaly ınternetti tezirek jetkizýge kómektesedi. Bul rette, jaýapsyz operatorlarǵa qatysty aıyppul sanksııalary qoldanylady», dedi depýtat.
Sondaı-aq jańa qujatta eGovMobile mobıldi qosymshasyn qoldaný aıasyn keńeıtý kózdelgen. Bul qosymshaǵa endi 20-ǵa jýyq qujat jınaqtalmaq. Soǵan sáıkes, azamattardan qujattardyń túpnusqasy talap etilmeıdi. Qujattardyń sıfrlyq nusqasy qaǵaz nusqamen teń dep tanyldy. Sonymen qatar qujatty turǵylyqty jerge qaramastan, elimizdiń kez kelgen halyqqa qyzmet kórsetý ortalyǵynan alýǵa bolady.
Sıfrlyq damý, ınnovasııalar jáne aeroǵarysh ónerkásibi mınıstrligi Sıfrlyq transformasııa departamentiniń dırektory Nazgúl Bajaevanyń aıtýynsha, «Qazposhta» AQ bazasynda memlekettik qyzmetke qoljetimdiligin keńeıtýge múmkindik beretin sıfrlyq oryndar qurý josparlanǵan.
«Búginde aýyl turǵyndaryna memlekettik qyzmetterdi alý úshin «Azamattarǵa arnalǵan úkimet» memlekettik korporasııasynyń bólimsheleri ornalasqan aýdan ortalyqtaryna nemese qalalarǵa baryp, ýaqyt pen qarajat shyǵyndaýǵa týra keledi. Sıfrlyq oryndar – kompıýtermen jáne uıymdastyrý tehnıkasymen jabdyqtalǵan, ınternetke qoljetimdi, azamattarǵa qyzmetterdi óz betinshe alýǵa múmkindik beretin jumys orny. Osyǵan uqsas sıfrlyq oryndar Qazposhtanyń 2 myń aýyldyq bólimshesinde ashylady. Bul kúnderi mundaı sıfrlyq oryndar Shyǵys Qazaqstan oblysynda qanatqaqty rejimde jumys istep jatyr», deıdi N.Bajaeva.
Sondaı-aq saladaǵy bilikti kadrlardyń tapshylyǵy máselesin sheshý boıynsha birqatar shara qabyldanyp jatyr. Máselen, jas mamandardy tartý maqsatynda baǵdarlamalaý mektepterinde bilim alýǵa arnalǵan arnaıy granttar qarastyryldy. Bul joba Astana Hub jáne IT-mekteptermen birlesip iske asyrylady. 2025 jyldyń sońyna deıin keminde 20 myń bilikti IT-mamanyn daıyndaý josparlanyp otyr.
Aıta keterligi, zańda alǵash ret sıfrlyq transformasııa termıni qoldanyldy. Mundaǵy maqsat – azamat pen memleket arasyndaǵy araqashyqtyqty barynsha qysqartý. Azamat memleket úshin klıent sanalady. Sıfrlyq transformasııanyń naqty mysaly osy. Kóp adam avtokólikti qaıta resimdeý úshin Kaspi.kz qosymshasyn paıdalanady. Búginde 2 mıllıonǵa jýyq adam mamandandyrylǵan halyqqa qyzmet kórsetý ortalyqtaryna barmaıdy. Bul jeke sektor men memleket kooperasııasynyń biregeı úlgisi sanalyp otyr.
