Semserlesýshiler senimdi aqtamady

Taǵy da dep ekpin túsirip aıtýy­myzdyń sebebi, táýelsizdik alǵan jyldan beri álem chempıo­nat­taryna qatysyp kele jatqan Qazaqstan quramasy osy kúnge deıin bir­de-bir márte júlde ala almaı keledi. Jerlesterimiz bıyl da sol «jetistikterin» qaıtalap, Kaırden júldesiz qaıtty.

Degenmen semserlesýshileri­miz Mysyrda júldege ilikpese de, eki sportshymyz shırek fınal­ǵa deıin jetip, Qazaqstan qura­ma­synyń tarıhı jetistigin tir­kedi. Buǵan deıin eshbir sportshy­myz irikteý kezeńinen árige asa almaı kelgen edi. Atap aıtar bol­saq, shpaga saıysynda baq syna­ǵan 2013 jylǵy jazǵy Ýnıver­sıa­da oıyndarynyń kúmis medal ıegeri, Álem kýbogy men bir­ne­she halyqaralyq jarystyń júl­degeri Rýslan Qurbanov álem chempıonatyndaǵy tusaýkeser kez­­desýinde germanııalyq Lıýk Bell­­mannan 15:12 esebimen basym tús­se, keıingi aınalymda Tokıo Olım­pıadasynyń qatysýshysy qy­taılyq Lan Mınhaony (15:14), shırek fınalda ıspanııalyq Dje­rard Gosnelldi (15:8) jarys joly­nan yǵystyrdy. О́kinishke qa­raı, jartylaı fınalǵa joldama bere­tin básekede jerlesimiz Tokıo Olım­pıadasynyń chempıony, osy ja­rys­tyń bolashaq jeńimpazy fran­­sııalyq Romen Kannonnan eki upaı aıyrmashylyǵymen jeńilip qaldy – 15:13.

Al ekinshi topta óner kór­set­ken Azııa birinshiliginiń jeńim­pa­zy, Azııa oıyndarynyń júl­de­geri Elmır Álimjanov bas­tap­qy básekelerde chehııalyq Mı­hal Chýpr (15:9) men Hossam ál Korsty (15:12) jeńse, keıinnen 2019 jylǵy álem chempıony, Tokıo
Olımpıadasynyń kúmis júlde­geri majarstandyq Gergeı Shıklo­shınen 15:9 esebimen aılasyn asyryp, shırek fınalǵa joldama alǵan edi. Alaıda jar­ty­laı fınalda osy álem birinshi­ligi­­niń bolashaq qola júldegeri bel­­gııa­lyq Neısser Loıolaǵa ese jiber­di – 15:8.

Erler arasyndaǵy komanda­lyq jarysta synǵa túsken Qazaq­stan quramasy ekinshi aınalymda Shvesııamen kezdesip, 43:39 ese­bimen jeńilip qaldy. Bul synda Fran­sııa quramasynyń baǵy janyp, álem chempıonatynyń altyn júl­desin jeńip aldy. Sondaı-aq erler men áıelder arasyndaǵy jekeleı jarystarda baq synaǵan ózge jerlesterimiz irikteýdiń ekin­shi aınalymynan asa alǵan joq.

Bir aptaǵa jalǵasqan álem chem­pıonatynyń jalpy­koman­da­lyq esebinde 8 medal (4 altyn, 2 kúmis, 2 qola) oljalaǵan Fran­sııa quramasy top jardy. Keıingi oryndarǵa Ońtústik Koreıa (3 al­tyn) jáne Italııa (2 altyn, 4 kú­mis, 2 qola) sportshylary jaı­ǵasty. Endi 2023 jylǵy álem chem­pıo­natyn Italııanyń Mılan qalasy qabyldaıdy.