«Búgin Bestóbe kenishindegi «Zapadnaıa» shahtasynan 610 metr tereńdikte júrgizilgen tekseris barysynda 3 adam anyqtaldy. Onyń biri óli kúıinde tabylsa, ekinshisi túrli dene jaraqatyn alǵan», dedi «Altynalmas» aksıonerlik qoǵamynyń baspasóz qyzmetinen.
Mekemeden atap ótkendeı, shahtadan tabylǵan adamdardyń ekeýi Zavodskoı aýylynyń turǵyndary, úshinshisi Jańa Qarabulaq aýylynyń turǵyny.
«Shahta ishinen tabylǵan adamdardyń barlyǵy da Bestóbe kenishiniń jumysshylary emes. Úsheýi de birneshe ret, sonyń ishinde kúzetiletin nysandarǵa zańsyz kirgeni úshin jaýapqa tartylǵan», delingen habarlamada.
Anyqtalǵandaı, atalǵan úsh adam altyn kenin zańsyz óndirýmen aınalysqan. Olardy shahta ishinde opyrylǵan tas úıindisi basyp qalǵan.
Aıta keteıik, atalǵan shahtanyń jumys istemeı turǵanyna bir jyldaı ýaqyt bolǵan. Ishi jerasty sýyna toly, sondaı-aq jeldetý jáne basqa da ınjenerlik júıeleri isten shyqqan. Sondyqtan shahtaǵa kirý adam ómiri úshin qaýipti.
Eske sala keteıik, budan buryn Bestóbe altyn kenishinen aýyl turǵynynyń denesi tabylǵany týraly jazǵan bolatynbyz.
