«Kókónis ónimderi arasynda pııazdyń baǵasy ósti. Osy oraıda, ishki naryqta pııazdyń qory jetkilikti ekenin atap ótkim keledi. Máselen, aı saıynǵy qajettilik 25,9 myń tonna bolsa, búgingi kúni pııaz qory 34,4 myń tonnany quraıdy. Maýsym aıynan bastap erte pisetin pııaz jınalyp jatyr. Onyń jalpy kólemi 90 myń tonnadan asady dep boljanýda. Búginde 35,2 myń tonnasy jınaldy. Shilde aıynyń sońyna deıin jáne tamyzdyń birinshi jartysynda 50 myń tonnadan astam pııaz jınaý josparlanǵan», dedi ol ortalyq kommýnıkasııalar qyzmetinde ótken brıfıngide.
Mınıstr pııazdy Qazaqstan aýmaǵynan syrtqa shyǵarýǵa shekteý sharalaryn engizý máselesi talqylanyp jatqanyn eske saldy.
«Mınıstrlik bul máseleni qoldamaıtynyn atap ótkim keledi. Qazirgi ýaqytta mınıstrlik Túrkistan jáne Jambyl oblystary ákimdikterimen birlesip, pııaz óndirýshiler men ózge oblystar, qalalar ákimdikteri arasynda kelisimsharttar jasasý jumystaryn júrgizýde. Kezdesý qorytyndysy boıynsha pııaz satý baǵasy kelisine 220 teńgeden 110 teńgege deıin tómendedi. Sonymen qatar qyrkúıekten bastap kúzgi pııazdy jınaý bastalady. Onyń kólemi 1 mln tonnadan astam bolady dep boljanyp otyr. Ol ishki naryqtyń qajettiligin tolyq kólemde qamtamasyz etedi. Osylaısha, pııaz kóleminiń jetkiliktiligin jáne shekteý sharalaryn engizýdiń qajeti joq», dedi Erbol Qarashókeev.
