Halyqaralyq federasııanyń (IIHF) bıylǵy kongresinde jıynǵa qatysýshylar kelesi jylǵy jáne keıingi úsh jyldaǵy álem chempıonatyn ótkizetin qalalar men memleketter tizimin bekitti. Sóıtip, jıyn qorytyndysy boıynsha, kelesi jylǵy álem chempıonaty Fınlıandııanyń Tampere qalasy men Latvııa astanasy – Rıgada uıymdastyrylatyn boldy. Chempıonat 2023 jyldyń 12-28 mamyry aralyǵynda ótedi dep josparlanǵan.
Sondaı-aq shaıbaly hokkeıden 2024 jylǵy álem birinshiligin Chehııanyń Praga jáne Ostrava (10-26 mamyr), 2025 jylǵy jahandyq dodany Stokgolm (Shvesııa) men Hernıng (Danııa) (9-25 mamyr) jáne 2026 jylǵy chempıonatty Shveısarııanyń Sıýrıh pen Frıbýrg qalalary (15-31 mamyr) qabyldaıtyn boldy.
Shaıbaly hokkeıden álem chempıonaty 2009 jyldan beri Eýropa elderinde uıymdastyrylyp keledi. О́zge qurlyqtaǵy eń keıingi birinshilik 2008 jyly Kanadada uıymdastyrylǵan bolatyn. Aıta keteıik, bıyl Fınlıandııada ótken álem birinshiliginde Qazaqstan quramasy nashar óner kórsetse de, joǵary dıvızıondaǵy ornyn saqtap qalǵan bolatyn.
