Bıylǵy jyldyń 6 aıynda Pavlodar oblysynyń polısııa organdary azamattyq qarý ıeleriniń qarýdy saqtaý, tirkeý jáne qaıta tirkeý jaǵdaılaryn tekserý, halyqtan zańsyz saqtalǵan qarý men oq-dárilerdi alý, sondaı-aq atys qarýyn qoldaný arqyly jasalatyn qylmystardyń aldyn alý boıynsha azamattyq jáne qyzmettik qarý aınalymyn baqylaý boıynsha belgili bir jumys júrgizdi.
«Barlyǵy alty aıda 10 397 azamattyq qarý ıeleri tekserilip, 533 adam ákimshilik jaýapkershilikke tartyldy. Saqtaý erejelerin buzǵany úshin 349 qarý ıesi jaýapqa tartyldy. Zańsyz saqtaǵany úshin 79 azamat jazaǵa tartyldy. Qarýdy tirkeý jáne qaıta tirkeý merzimderin buzǵan 105 adam anyqtaldy. Zańsyz aınalymnan 161 qarý tárkilendi», dedi vedomstvodan.
Sondaı-aq osy jyldyń 21 sáýirinde bastalǵan Halyqtyń óteýli erikti túrde atys qarýyn, oq-dáriler men jarylǵysh zattardy tapsyrýy boıynsha ótkizilip jatqan kezekti respýblıkalyq aksııa sheńberinde azamattardan 70 ótinish kelip tústi. Tirkelmegen qarýdyń 75 birligi qabyldandy, onyń ishinde: uzyn uńǵyly oıyq qarýdyń 16 birligi, tegis uńǵyly qarýdyń 57 birligi, travmatıkalyq qarýdyń bir birligi jáne oıyq uńǵyly qarýdyń 8 287 patrondary.
Komıssııalar shamamen 6 mln teńge somaǵa 73 qarý men 8149 patron satyp alý týraly 67 sheshim qabyldady.
