Tótenshe jaǵdaılar mınıstri Iýrıı Ilın Qaraǵandy oblysyna jumys sapary kezinde «Arselor Mıttal Temirtaý» AQ qaýipsizdiktiń qamtamasyz etilýin erekshe baqylaýyna aldy. Iýrıı Ilın Arselor Mıttal Temirtaý basshylyǵyn О́nerkásiptik qaýipsizdik departamentine shaqyryp, óndiristegi qaýipsizdik, jumysshylardyń eńbek jaǵdaılaryn jaqsartý jáne olarǵa áleýmettik qoldaý kórsetý máselelerin talqylady. О́z kezeginde Arselor Mıttal Temirtaý basshylyǵy óndiristiń barlyq kezeńderinde qaýipsizdikti jetildirý boıynsha qabyldanyp jatqan sharalar týraly baıandady.
Iýrıı Ilın О́nekásiptik qaýipsizdik departamentine bıznes qaýymdastyqqa avarııalar men oqys oqıǵalardyń sanyn azaıtý úshin qajetti ádistemelik kómek kórsetýdi tapsyrdy. Qaýipsizdik sharalary saqtalmaǵan jaǵdaıda, zań aıasynda qatań sharalar qabyldanatynyn, tipti óndiristiń jumysy toqtatylatyn eskertti. Sebebi 2022 jyldyń basynan beri óndiriste 13 avarııa men 103 oqıǵa tirkelgen.
Sonymen qatar, sapar barysynda Iýrıı Ilın «KÁAQQ» JShS Respýblıkalyq ortalyq shtabynda boldy, onda Respýblıkalyq ortalyq shtabynyń jáne «AMT» AQ kómir departamentiniń basshylyǵymen birge taý-ken qutqarýshylaryn áleýmettik qoldaý jáne avarııalyq-qutqarý qyzmetterinińi zamanaýı quraldarmen, qural-jabdyqtarmen jáne tehnıkamen jaraqtandyrý jumystarymen tanysty.
Sapar aıasynda Iýrıı Ilın oblys turǵyndarymen kezdesti.
«Tótenshe jaǵdaılar mınıstrligi qyzmetiniń mańyzdy quramdas bóligi – bizdiń mınıstrlik pen qoǵamnyń ózara tıimdi árekettesýine múmkindik beretin halyqpen keri baılanys. Azamattar jazǵan ótinishterdi qarap, qajet sharalardy qabyldaımyz», dedi Iýrıı Ilın.
Kezdesý barysynda Qaraǵandy oblysynyń turǵyndary azamattyq qorǵaý organdarynyń qyzmetine qatysty ózderin tolǵandyryp júrgen suraqtardy qoıyp, olarǵa jaýap aldy. Beınekonferensbaılanys arqyly oblystyń qalalary men aýdandarynyń turǵyndary da qatysty.
Turǵyndar negizinen dala órtteri men sý tasqynyna baılanysty tótenshe jaǵdaılardyń aldyn alý, Qaraǵandy oblysyndaǵy tegin jaǵajaılar salý máselelerin kóterdi.
