«29 shilde kúni saǵat 21:00 shamasynda avtopark boıynsha táýliktik kezekshilikte turǵan qatardaǵy jaýynger N.A.Orazbaı kezekshiden dárethanaǵa suranyp ketedi. Birshama ýaqyttan keıin ony shaqyryp kelýge shyqqan kezekshi sarbaz avtopark aýmaǵynda ornalasqan qoıma ishinde N.A.Orazbaıdyń asylyp turǵanyn kóredi. Avtoparktiń kezekshi qyzmeti N.A.Orazbaıǵa jedel medısınalyq kómek kórsetip, sanıtarlyq kólikpen Stepnogor ortalyq qalalyq aýrýhanasyna jetkizedi. Degenmen aýrýhana dárigerleri sarbazdyń qaıtys bolǵanyn rastady», dep málim etti vedomstvonyń baspasóz qyzmetinen.
Quzyrly organ aqparaty boıynsha, marqum Orazbaı N.A. 1995 jyly týǵan.
Ulttyq ulan qataryna 2021 jyldyń kúzinde Jetisý oblysynyń Panfılov aýdany qorǵanys isteri jónindegi bólimi arqyly shaqyrylǵan.
Qazir ýaqytta oqıǵanyń mán-jaıy anyqtalyp, tergeý jumystary júrip jatyr. Aldyn ala derek negizinde «Ortalyq» óńirlik qolbasshylyǵynyń málimdeýinshe, qol jumsaý faktisi áskerı qyzmetpen baılanysty emes.
