Byltyrdan bastap uıymdastyryla bastaǵan Polsha ashyq chempıonatynda jerlesimiz qatarynan ekinshi jyl juptyq synda úzdik atanyp otyr. Byltyrǵy básekede ol Belarýs ókili Lıdııa Morozovamen birge jarystyń bas júldesin oljalaǵan bolsa, bıyl germanııalyq Anna-Lena Frıdzammen jup qurap, taǵy bir márte týrnır jeńimpazy atandy.
Qazaqstandyq-germanııalyq jup júlde qory – 251,7 myń AQSh dollaryn quraǵan bıylǵy básekeniń fınalynda osy jarystyń 2-raketkalary, kort ıeleri Katajına Kava men Alısııa Rosolskamen sheberlik baıqasty. Eki saǵatqa jalǵasqan matchta Danılına men Frıdzam polshalyq qarsylastarynan úsh sette – 6:4, 5:7, 10:5 esebimen basym tústi.
Osylaısha, Anna Danılına sporttyq jolynda úshinshi ret juptyq synda WTA jarysynyń chempıony atandy. О́tken jyly Gdansk (Polsha) qalasynda úzdik shyqsa, bıyl jyl basynda Sıdneıdegi WTA-500 týrnıriniń jeńimpazy bolǵan edi.
