Transferdegi saýda qyzyp tur

Bıylǵy maýsymaralyq úzilis­tegi «Barystyń» kadrlyq aýys-túıisine nazar salatyn bolsaq, klýb qataryn qorǵaýshylar – Mıhaıl Grıgorev (Reseı) pen Djessı Grem (Kanada), amerıkalyq shabýylshylar – Djeremı Brakko men Entonı Lýıs jáne reseılik Kırıll Maksımov tolyqtyrdy.

2011 jyly О́fóniń «Salavat Iýlaev» klýbymen birge Gagarın kýbogynda top jarǵan 31 jastaǵy reseılik qorǵaýshy Mıhaıl Grıgorev elordalyq komanda sapynda kelesi jyldyń 30 sáýirine deıin óner kórsetedi. Ol 2012/13 jylǵy QHL maýsymynda «Barys» klýbynda oınaǵanyn da aıta keteıik. Mıhaıl Grıgorev ár jyldary «Avangard», «Spartak», «Dınamo» (Máskeý) klýbtary jeıdesinde muzaıdynǵa shyǵyp, byltyrǵy maýsymdy Magnıtogorskiniń «Metallýrgynda» ótkizdi. Gagarın kýbogynyń fınalyna deıin jetken ol bir maýsymda 24 oıynda muzaıdynǵa shyǵyp, eki márte áriptesterine nátıjeli pas asyrǵan. Asa jaqsy nátıje emes, árıne.

28 jastaǵy kanadalyq hok­keı­shi Djessı Grem men «Barys» arasyndaǵy kelisim bir maýsymǵa josparlanǵan (2023 jyldyń 30 sáýirine deıin). Ár jyldary Soltústik Amerıkanyń túrli lıgalarynda óner kórsetken qorǵaýshy byltyrǵy maýsymdy Germanııanyń «Panter» klýbynda ótkizdi. Ger­manııa chempıonatynda 52 matchta muzaıdynǵa shyǵyp, 42 (3+39) upaı jınaǵan. Bul nátıjemen ol óz komandasynyń úzdik bombardıri atanyp, lıganyń eń nátıjeli qorǵaýshylary tiziminde ekinshi orynǵa ıe boldy.

Sondaı-aq «Barys» jýyrda amerıkalyq shabýylshy Djeremı Brakkomen de birjyldyq keli­sim­shart jasasqanyn habarlady. Brakko da Djessı Grem sııaqty karerasyn Soltústik Amerıka klýbtarynda bastaǵan. AQSh-tyń jasóspirimder jáne jastar quramasyna shaqyrtý alǵan ol 2015 jyly jastar sapynda álem chempıony atandy. 2015 jyldan bastap «Toronto» jáne «Toronto Marlıs» klýbtarynda óner kórset­ken shabýylshy byltyr óz baǵyn Germanııa birinshiliginde synap kórdi. Jergilikti «Krefeld Pıngvın» jeıdesin kıgen ol ótken maýsymdaǵy 54 matchta 54 (14+40) upaı jınap, komandasynyń eń úzdik shabýylshysy atandy. Sondaı-aq nátıjeli pas boıynsha da úzdik shyqty.

«Barys» sapyn tolyqtyr­ǵan taǵy bir amerıkalyq shabýylshy Entonı Lýıstiń de ótken maýsym­daǵy nátıjesi jaman emes. Byltyr «Dallastyń» farm-klýbynda óner kórsetken 27 jastaǵy hokkeıshi turaqty chempıonattyń 66 matchynda muzaıdynǵa shyǵyp, 55 (24+31) upaı jınaǵan. Búginge deıin ol Soltústik Amerıkanyń túrli lıgalarynda óner kórsetip, AQSh-tyń jasóspirimder men jastar quramalaryna shaqyrtý alǵan. 18 jasynda «Chıkago» komandasynyń oıynshysy atanǵan ol keıingi alty jylyn Amerıka hokkeı lıgasynda (AHL) ótkizgen. Endi QHL-dyń aldaǵy bir maýsymynda elordalyq klýbty joǵary oryndarǵa súıreýge tyrysyp baǵady.

Sonymen qatar elordalyq ujym Máskeýdiń SSKA klýbynan shabýylshy Kırıll Maksımov­ty bir jylǵa jalǵa aldy. 23 jasta­ǵy Maksımov óziniń hokkeıdegi sporttyq jolyn Soltústik Amerı­kada bastaǵan. 2017 jyly «Edmonton» quramynda oınasa, 2020/21 jylǵy maýsymda SSKA júıesinde óner kórsetip, QHL-da 16 match ótkizdi (3 upaı, 2+1). Byltyr Fınlıandııa chempıonatynda baq synaǵan ol «Iýkýrıt» klýby sapynda 28 kezdesýde 9 (4+5) upaı jınaǵan. Shabýylshy úshin muny da asa joǵary kórsetkish deı almasaq kerek.

Jańa oıynshylardy satyp alýmen qatar, elordalyq klýb QHL-dyń byltyrǵy maýsymynda nátıjeli oıynymen kózge túsken shabýylshylar Nıkıta Mıhaılıs, Arkadıı Shestakov, Iýrıı Petýhov, Lınden Veı jáne qaqpashy Andreı Shýtovpen jańa kelisimshart jasas­qanyn habarlady.

Sporttyq mansabyn bastaǵa­ly beri tek «Barys» júıesinde oınap kele jatqan N.Mıhaılıs pen elordalyq klýbta 2015 jyldan beri óner kórsetetin Egor Petýhov jáne «Barysta» úshinshi maýsymyn ótkizgeli jatqan Lınden Veı kelisimshartyn bir jylǵa jańartqan. Al Iýrıı Petýhov pen Andreı Shýtov «Barysta» taǵy eki maýsym óner kórsetetin boldy. Al Kırıll Savıskıı, Anton Sagadeev, Egor Shalapov klýbpen kelisimsharttaryn uzartsa, Ádil Beketaev pen Álıhan Ásetov komandanyń kvalıfıkasııa­lyq usynysyn qabyldap, «Baryspen» birge ekendikterin dáleldedi.

Sondaı-aq qazirgi tańda «Ba­rys» segiz hokkeıshimen 31 ta­myz­­ǵa deıin synaq kelisimshartyn jasaǵan. Atap aıtar bolsaq, olar – Maksım Mıneev, Emıl Nurǵa­lıev, Vladıslav Sıomın, Iýrıı Sergıenko, Tımýr Fatkýllın, Vladımır Mıhasıonok, Batyrlan Muratov jáne Mıhaıl Rahmanov. Bapkerler quramy synaq merzimi bitken soń jattyǵýda sheberligimen kózge túsken hokkeıshileri men ári qaraı uzaq merzimdi kelisimshart jasasa alady.

О́kinishke qaraı, «Barys» el­orda­lyq klýbta 14 maýsym ótkiz­gen, osy ýaqyt aralyǵynda klýb­tyń lıderi bola bilgen Roman Starchenkony komandada saqtap qala almady. Basqa-basqa, klýb, bizdińshe, óziniń ardager oıynshysyn qalaı da ustap qalýǵa tyrysýy kerek edi. Onyń sonshalyqty kóp qarjy talap etpegeni de túsinikti. Esesine Reseıdiń ortańqol, tipti odan da tómen hokkeıshilerin óz sanatyna qosyp alýdan aıaq tartar emes. Al Qazaqstan quramasy­nyń kapıtany QHL-ǵa kelgen sát­ten bastap kúni keshege deıin tek «Barys» sapynda óner kórsetti. Osy ýaqyt aralyǵynda ol 740 matchta muzaıdynǵa shyǵyp, 377 upaı jınaǵan. Starchenko ótken maýsymda «Barys» sapynda 41 kezdesý ótkizip, óz enshisine 24 (9+15) upaı jazdy. Roman aldaǵy maýsymdy Máskeýdiń «Spartak» klýbynda ótkizedi.

«Barystyń» maýsymaralyq úzilistegi transfer saıasatyna jáne ­oqý-jattyǵý jıynyndaǵy da­­ıyn­dyǵyna bir aıdan keıin bas­talatyn QHL-dyń jańa maýsy­my barysynda baǵa berýge bolady. Oǵan deıin elordalyq klýb 16 tamyzda dástúrli «Pre­zıdent kýbogynda» óner kórsetip, jańa maýsym aldyndaǵy daıyndyǵyn taǵy bir pysyqtap alady. Týr­nır­ge «Barystan» bólek, «Avto­mo­bılıst», «Neftehımık» jáne «Metallýrg» komandalary qaty­sady.