Júrgizýshiler qaryzy – 355 mln teńge

Sheteldik kólik mingender vip nómir taǵýǵa qumar. Biraq syrt kózge qymbat máshıne mi­nip, shikireıgenderdiń arasynda kólik salyǵyn tólemeıtinder kez­desedi. Máselen, oblystyq mem­lekettik kirister departa­men­tiniń basqarma basshysy Nurbolat Sarmanovtyń má­limetinshe, qazir 9 myńǵa jýyq turǵyn kólik salyǵyn tó­le­meı júr. Qazir sondaı kólik júr­gizýshileriniń bereshegi 355 mln teńgeni qurap otyr. Onyń ishinde tólenbegen kólik salyǵynyń qaryzy 283 mln teńgege jýyqtasa, 72 mln teń­ge^­den astamy – ósimpul.

– Eń qomaqty qaryz somasy Atyraý qalasynda tirke­lip otyr. Munaıly shahar tur­ǵyn­darynyń kólik salyǵyna 278 mln teńge kóleminde bereshegi bar. Al Jylyoı aýda­nyn­da­ǵy avtokólik ıeleri 37 mln teńge kóleminde salyq tóle­me­gen. Qurmanǵazy aýdany júr­gizý­shileriniń qaryzy 16,5 mln teń­ge­ge jetti, – deıdi Nurbolat Sarmanov.

Onyń aıtýynsha, kólik ıeleriniń kóbi salyq tóleýge sal­ǵyrt qaraıdy. Sol sebepten, kólik salyǵy aılyq esep­tik kórsetkish negizinde esep­teletindikten, jyl saıyn ósip otyrady. Onyń ústine je­ńil avtokólik 2013 jyl­dyń 31 jeltoqsanynan keıin qu­ras­tyrylsa nemese osy ýa­qyt­­tan keıin Qazaqstan aýma­ǵyn­da tirkelgen bolsa, onda sa­lyq kólemi tipten ulǵaıa­dy. Sa­lyq­tyń mólsherin memle­ket­tik ki­ris­ter organdaryna bar­maı-aq, e-Salyq Azamat mo­bıl­­dik jáne ekinshi deńgeıli bank­terdiń qosymshalary ar­qy­ly tóleý múmkindigi bar.

Atyraý oblysy