Qarymta kezdesýde qaýqar kórsete alar ma eken?

Eýrokýbok básekesiniń ekin­shi irik­teý kezeńinde sensasııa jasap, Hor­vatııanyń dańqty «Osıek» klýbyn eki match qo­ry­­tyndysy bo­ıyn­sha (3:2) tize búktirgen «Qy­zyl­jar» úshin­shi kezeńde Eý­ro­panyń taǵy bir azýly ujymdarynyń biri – APOEL-men kezdesti. Kıpr birinshiliginiń 28 dúrkin je­ńim­pazy keıingi jeti jylda qazaqstandyq klýbtarmen osymen besinshi márte jolyqty. «Astanamen» Chempıondar lı­ga­sy jáne Eýropa lıgasynda úsh márte, «Qaısarmen» Eýropa lıgasynda bir ret jasyl alańda jol­dary túıisken edi. Endi, mine, Nıko­sııa komandasy «Qyzyljarmen» Kon­fe­rensııa lıgasy aıasynda kez­desip tur.

Kıprdiń bas shahary – Nıko­­sııa­daǵy 12 myń jankúıer syıa­tyn «Pankıprııa» stadıo­nynda ótken eki ujym ara­syn­daǵy alǵashqy kezdesýde alań ıeleri myqtylyq tanytyp, qazaqstandyq maman Álı Álıev jattyqtyratyn «Qyzyljardy» 1:0 ese­bimen jeńip ketti. «Osıekpen» bol­ǵan syrt alańdaǵy qarymta matchta shabýylǵa kóbirek kóńil bólgen Á.Álıev bul joly qorǵanysqa basa mán berip, alańǵa birinshi mınýttan bastap bes qorǵaýshy, tórt jartylaı qorǵaýshyny shyǵardy. Bas bapkerdiń bul taktıkasy óz jemisin berdi deýge bolady.

Tóreshiniń ysqyryǵy sha­lyn­ǵannan bastap matchtyń 90 mınýtyna deıin alań ıeleri bir sátke damyl tappaı, únemi shabýyldaýmen boldy. Oıynnyń esebin jyldam ashýǵa tyrysqan APOEL fýtbolshylary al­ǵash­qy 20-25 mınýtqa deıin Mıroslav Lobansev qorǵaǵan «Qyzyljar» qaqpasyna birne­she ret qaýipti soqqy jasa­ǵa­­nymen, gol soǵa almady. De­­­gen­­men tanymsyz shabýyl aqyr sońynda óz nátıjesin berip, alań ıeleri kezdesýdiń 27-mınýtynda degenderine jetti. Aıyp alańynyń syrtynan áriptesinen tamasha pas alǵan Georgıos Efrem M.Lobansevtyń qaqpasyna áýelete soqqy jasap, matchtyń esebin ashty. APOEL bi­rin­shi taımda «Qyzyljar» qaq­pa­sy­na tórt dál soqqy jasap, sonyń bireýin ǵana golǵa aınaldyra aldy. Al Mıroslav Lobansev úsh márte seıv jasady.

Alań ıeleri ekinshi taımda da shabýyldaryn bir sátke de toqtatqan joq. Biraq qansha tyryssa da, ekinshi 45 mınýtta qazaqstandyq koman­da­nyń qorǵanysyn buza almady. «Qyzyl­jar­dyń» 27 jastaǵy qaqpa­shy­sy ekin­shi taımda da jumyssyz qalǵan joq. Ol bul joly da úsh márte kózge túsip, qaqpasyn goldan aman saqtap qaldy. 90 mınýt boıy qarsylas koman­da­nyń qaqpasyna jarytyp soqqy jasaı almaǵan «Qyzyljar» fýtbolshylary 78-mınýtta APOEL qaqpashysy Vıd Belestiń qateligin paıdalanyp, gol soqqan edi. Alaıda qaptaldaǵy tóreshi jalaýshasyn kóterip, Mýssa Koneniń oıynnan tys qalǵanyn bas tóreshige eskertti. Osylaısha, APOEL men «Qyzyl­jar» arasyndaǵy kezdesýdiń birinshi oıyny alań ıeleriniń paıdasyna aıaqtaldy – 1:0.

Endi barlyq másele 11 tamyz kúni elordadaǵy «Astana Arenada» óte­tin qarymta match­ta sheshiledi. «Osıekti» syrt alańda 2:0 esebimen tize búk­tir­gen «Qyzyljar» APOEL-di óz ala­ńynda da qapy qaldyrady dep sene­miz. О́ıt­keni óz úıińde qabyrǵalar da kómektespeýshi me edi?..

Sondaı-aq dál osy kúni Qos­ta­naı­dyń «Tobyly» da syrt alańda alǵashqy kezde­sýin ótkizip, Bosnııa jáne Gerse­go­vınanyń «Zrınskı» klýbynan 0:1 esebimen jeńilip qaldy. Ekinshi aınalymda Gıbraltardyń «Lınkoln Red Imps» ujymyn senimdi túrde jeńgen (3:0) «Tobyl» bul kezeń­de qolda turǵan teń esepti saqtap qala almady.

Bosnııanyń byltyrǵy chem­pıony «Zrınskı» Eýro­kýboktaǵy jolyn «Tobyl» sııaqty Chempıondar lıgasy­nyń irikteý kezeńinen basta­ǵan. Alǵashqy aınalymda Moldovanyń «Sherıf» klý­­­­bynan bir dop aıyrmasy­men jeńilip qalǵan soń, Kon^­­­fe­ren­sııa lıgasyna túsip qaldy. Atalǵan lıga­nyń ekinshi irikteý kezeńinde olar Alba­nııa­nyń «Tıranasymen» oınap, eki oıynda da qarsylastarynan basym tústi. Sóıtip úshinshi irikteý kezeńinde «Tobylǵa» qar­sylas atandy.

Bosnııanyń Mostar qala­syn­­da or­na­lasqan Bijeli Brijeg sta­dıonynda ótken eki klýb arasyndaǵy matchtyń alǵashqy taımynda alań ıleri dopqa ıelik etý, qaýipti shabýyl uıymdastyrý boıynsha da azdaǵan basymdyqqa ıe bolǵanymen, Aleksandr Mokın qorǵaǵan qaqpaǵa gol soǵa almady. Al ekinshi taım­nyń bas jaǵynda alań qo­jaıyn­­darynyń jartylaı qor­ǵaýshysy Iosıp Chorlýka dó­reki oıyny úshin tóreshi ta­ra­pynan ekinshi márte sary qaǵazben jazalanyp, alań­nan qýyldy. Sóıtip alańda bir fýt­bolshysy kóp bolyp oına­ǵan «Tobyl» shabýylǵa shy­ǵa bastady. Alaı­da «Zrıns­kı»­ bir adam kem bolyp oınasa da qorǵanysqa jatyp almaı, qarsy shabýylǵa ıek artyp otyrdy. Kez­desýdiń 76-mınýty ótip jatqanda alań ıeleri kezekti buryshtama oryn­­daıtyn múmkindik aldy. Aıyp alańyna pas asyrmaqshy bolǵan Nıko Iаnkovıch dopty Mokın qorǵaǵan qaqpanyń alys buryshyna dál kózdep, gol soǵyp ketti – 1:0.

Qostanaılyqtar match­tyń qalǵan mınýtynda tarazy basyn teńestirýge ty­rys­­qanymen, onysynan túk shyq­paıdy. 84-mınýtta oıyn erejesin buzyp, tóreshi­men sóz talastyrǵany úshin «Tobyldyń» ortalyq qor­ǵaý­shysy Jarko Toma­shevıch te qyzyl qaǵazben jazalanyp, ol da alańnan qýyldy. Match­tyń qalǵan ýaqytynda gol so­ǵylǵan joq.

«Tobyl» da syrt alańdaǵy alǵashqy oıynda jeńilgenimen, kelesi kezeńge shyǵý múm­kin­digin saqtap qala aldy. Endi eki klýb arasyndaǵy qa­ry­mta kezdesý 11 tamyz kúni Qos­ta­naı­daǵy «Ortalyq» stadıonda ótedi.