Oǵan bul marapatty Úndistanda ótip jatqan shahmatshylardyń 44-shi olımpıadasy barysynda 15-shi álem chempıony Vıshvanatan Anand tabystady. Osylaısha, jerlesimiz bir jyl ishinde álem chempıony jáne áıelder arasyndaǵy Azııanyń 2021 jylǵy úzdik shahmatshysy degen ataqqa ıe boldy.
Qazirgi tańda jerlesterimiz Úndistandaǵy dúnıejúzilik shahmat olımpıadasynda sátti óner kórsetýde. Qazaqstannyń qyzdar quramasy eń keıingi kezdesýin Slovakııamen ótkizip, 3,5-0,5 esebimen jeńiske jetti. Jerlesterimizden Jansaıa Ábdimálik, Bıbisara Asaýbaeva jáne Gúlishan Nahbaeva jeńiske jetse, Ksenııa Balabaeva teń oınady.
Al Qazaqstannyń erler quramasy segizinshi týrda Ázerbaıjan shahmatshylarymen sheberlik baıqasyp, bir upaı aıyrmashylyǵymen jeńilip qaldy. Bul kezdesýde Álisher Súleımenov qarsylasynan basym túsken bolsa, Rınat Jumabaev teń tústi. Al Arystanbek Orazaev pen Qazybek Nógerbek jeńiske jete almady. Otandastarymyz aldyńǵy týrda Ispanııany (2,5-1,5) jengen bolatyn.
