Qala ákimdigi habarlaǵandaı, jańa shaǵynaýdan Sheshek asýynda boı kóteredi. Onda turǵyn úılerden bólek, balabaqsha, sport alańy men skver salý josparlanýda.
«Jer úı salǵysy keletinder sany kún sanap artyp keledi. Sondyqtan birneshe aýdanda ınjenerlik ınfraqurylymdy salý jumystaryn júrgizip jatyrmyz. Jaqyn arada kommýnıkasııalar tartylǵan aýmaqtarda jer telimderin berý bastalady. Sheshek asýyndaǵy jańa yqshamaýdan 1099 turǵyn úıge eseptelgen. Onda sýmen jabdyqtaý júıesi qazirdiń ózinde daıyn. Al elektr jelileriniń qurylysy sońǵy satyda», deıdi О́skemen qalasynyń ákimi Jaqsylyq Omar.
Onyń aıtýynsha, ekologııalyq taza aımaqta ornalasqan aýdan qurylys salýshylar úshin de, iri ınvestorlar úshin de tartymdy. Búginde ınvestor kompanııalardyń biri 80 úı salýdy kózdep otyr.
