«Aldaǵy jańa oqý jylynda taǵy 11 mektep ashýdy josparlap otyrmyz. Osylaısha 20 myń oqýshyǵa arnalǵan bilim ordalary ashylady. Mektepke degen qajettilik bar ekenin eskere kele, Memleket basshysynyń tapsyrmasyna sáıkes oqý oryndarynyń qurylysy aıtarlyqtaı artty. Sońǵy úsh jyldyń ózinde 34 mektep salyndy. Osylaısha 70 myń oqýshy orny ashyldy», dep jazdy Altaı Kólginov.
Oqý oryndarynyń qurylysy qalanyń barlyq aýdanynda júrip jatyr. Máselen turǵyndardyń ótinishi boıynsha №59 mektep-lıseıiniń (Saýran kóshesi) aýmaǵynda jańa korpýstyń qurylysy bastaldy.
«Qalany aralaý barysynda Turan dańǵyly (qarqyndy damyp kele jatqan aýdan, Zam-Zam TK aýdany, E51 jáne E69 kósheleriniń qıylysy) boıynda salynyp jatqan mektepke bardym. Mektep 4 myń orynǵa (2 aýysymda) eseptelgen.
Mektep qurylysy úshin jeke kásipkerler de jumyldyrylady. Munyń bárin bıýdjettiń qarajatyna júkteýge bolmaıdy. Onyń ústine ata-analar tarapynan jeke mektepterge degen suranys ta bar. Mysaly «Emirates Global Education Group» kompanııasynyń ókilderimen kezdestik. Olar óz qarajaty esebinen elordada «Sabis» halyqaralyq mektebi men balabaqsha salyp jatyr. Jalpy sany 3200 oqýshyǵa arnalady. Bul mektepti kelesi jyly ashýdy josparlap otyrmyz», dedi A. Kólginov.
