Qoǵam • 09 Tamyz, 2022

Izgi ister irkilmeıdi

61 ret kórsetildi

Prezıdent janyndaǵy Ortalyq kommýnıkasııalar qyzmeti alańynda «UOS ardagerleri men tyl eńbekkerlerine qamqorlyq: eriktiler kómegi jáne jyl boıy poıyzben tegin júrý» taqyrybynda baspasóz máslıhaty ótti. Jıynǵa Samruk-Kazyna Trust áleýmettik jobalardy damytý qorynyń bas dırektory Alfııa Dáýletqalıqyzy, «Ulttyq eriktiler jelisi» qaýymdastyǵynyń atqarýshy dırektory Tatıana Mıronıýk qatysty.

«Jeńis» jobasy aıasynda 115 mln teńgeden astam somaǵa qaıyrymdylyq kómek kórsetiledi. Bul týraly Samruk-Kazyna Trust áleýmettik jobalardy damytý qorynyń bas dırektory Alfııa Adıeva málimdedi.

«2022-2023 jyldary volonterlik reıdter uıymdastyrylady, kómekke muqtaj jalǵyzilikti qamkóńil qarttarǵa dári-dármek, azyq-túlik jáne basqa da turmysqa qajetti zattarmen kómek berý júıesi júzege asyrylady. Sonymen qatar turmystyq tehnıkaǵa, estý quraldaryna zárýlik tárizdi erekshe qajettilikterge de nazar aýdarylady. Jastar qarııalardyń úı-aýlalaryn tazalap, jóndep, shaı ústinde áńgime-dúken quryp, kóńilin kóteredi, jylý syılaıdy. Qarttar úıine de barý josparlanǵan», dedi ol.

«Jeńis» áleýmettik jobasyn júzege asyrýdy jaýapkershiligine alyp otyrǵan Ulttyq volonterler jelisi ÚEU jyl sońyna deıin kem degende 1 400 ardager men tyl eńbekkerin qamtýdy kózdep otyr.

«Joba 35 qalada volonterlik qozǵa­lysty úılestirý arqyly barlyq eldi me­kendi qamtıdy. Keminde 500 erik­ti osy iske jumyldyrylady. Jyl so­ńynda joba aıasynda aqkóńil nıetimen qarııalarǵa kómek berý jolynda tegin qyzmet atqarǵany úshin eriktiler yntalandyrylady. Joba qoǵamda jastar men balalardyń boıynda úlkenderge qurmet sezimin qalyptastyryp, pat­rıot­tyq tárbıege úles qosýǵa baǵyt­talǵan. Aıta keteıik, Qazaqstanda 387 UOS qatysýshy men múgedektigi bar adamdar turady. 2020-2021 jyldary 13 019 volonterlik reıd júrgizildi, oǵan 650 erikti atsalysty. Olardyń aıasynda 3 355 qarııa qamtyldy», dedi A.Dáýletqalıqyzy.

«Jeńis» jobasy boıynsha reıdter sany jospardan asyp ketýi múmkin. Erik­ti­ler qosymsha kómek kórsetýge nıetti. Atalǵan joba mereke kúnderi emes, tu­raqty negizde júrgiziledi. Bul týraly «Ulttyq eriktiler jelisi» qaýym­das­tyǵynyń atqarýshy dırektory Tatıana Mıronıýk habarlady.

Onyń aıtýynsha, reıdter tek ardagerlerge baryp, áńgime-dúken qu­rý­ǵa ǵana emes, ártúrli volonterlik kómek kórsetýge de baǵyttalǵan.

«Kóp jaǵdaıda biz turmystyq kómek kórsetemiz, qysta kómir men otyn da­ıyndaımyz. Osy jyl volonterler úshin ardagerlerimiz ben tyl eńbekkerlerine kómek kórsetýge tamasha múmkindik be­redi dep oılaımyn. Biz qymbat dári-dár­mekpen, tósek-orynmen, basqa da qajet­tiliktermen qoldaýǵa tyrysamyz. Áleýmettik osal toptar – bul 1 400 adam. Jalpy, 5 600 reıd ótkizý josparlanyp otyr, biraq odan artyq bolady dep oılaımyn, óıtkeni eriktiler ardagerlerge qo­symsha kelip, kómekteskisi keledi», dedi ol.

Aıta keteıik, 2018 jyly joba qa­ty­­sý­shylarynyń arqasynda Almaty oblysynda ǵana 2 tonna ónim jınaldy. Bul – osyndaı kómektiń nátıjesi.

Sońǵy jańalyqtar

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Máýlen Áshimbaev Qytaı halqyna kóńil aıtty

Parlament • 02 Jeltoqsan, 2022

Meksıkada 200-ge jýyq adam ýlanyp qaldy

Álem • 02 Jeltoqsan, 2022

Shekarany búkil el qorǵaıdy

Qoǵam • 02 Jeltoqsan, 2022

Uqsas jańalyqtar