UBT-nyń bul kezeńine 20 myńnan astam ótinish túsken.
«Shekti ball jınaı almaǵan talapkerlerdiń aqyly bólimge túsý múmkindigi bolýy úshin tamyz aıynda qaıta testileýden ótýge jaǵdaı jasadyq. Oqýǵa túsý úshin shekti ball jáne ár pánnen keminde 5 ball jınaý qajet. Negizgi UBT-ǵa qatysqan talapkerler beıindik pánder kombınasııasyn tamyz testileýinde ózgertip, testileýge qatysa alatyndyǵyn aıta ketken jón», dedi QR ǴJB Ulttyq testileý ortalyǵynyń dırektory Rýslan Emelbaev.
UBT-nyń bul kezeńine bıylǵy jáne ótken jyldardyń mektep túlekteri, kolledj túlekteri men sheteldik mektepterde bilim alǵandar qatysa alady.
Sonymen qatar, joǵary oqý ornyna aqyly negizde óz mamandyǵy boıynsha oqýdy jalǵastyrýdy josparlap otyrǵan kolledj túlekteri oqýǵa áńgimelesý qorytyndysy boıynsha qabyldanady.
Negizgi UBT sekildi tamyzdaǵy testileý elektrondy formatta 10-13 tamyz aralyǵynda ótedi. Tirkelý kezinde testileýge qatysýshylar emtıhan ótkiziletin oryndy, kúndi jáne ýaqytty ózderi tańdady. Al, tirkeý 25-30 shilde aralyǵynda mınıstrlikke qarasty Ulttyq testileý ortalyǵynyń app.testcenter.kz saıtynda júrgizildi.
