О́ziniń bilimine senimdi ol arman qýyp Lenıngrad (qazirgi Sankt-Peterbýrg) qalasynan bir-aq shyqty. Talapker jas mamandyq tańdaýda qatelesken joq. Qujatyn M.I.Kalının atyndaǵy Búkilodaqtyq polıtehnıkalyq ınstıtýttyń energııalyq mashına fakýltetine tapsyrdy. Oqýǵa túsý medal ıegerine kóp qıyndyq týǵyzbady. Dıplom qorǵaǵan kezde oqý ornyna arnaıy kelip, Qazaq KSR Ǵylym akademııasyna qyzmetke shaqyrǵan ókilge kelisimin bermedi. «Meniń jumys ornym – óndiris, tek qana – óndiris» dep jaýap berdi jas ınjener.
О́zi aıtqandaı, Qaırolla Shalǵynbaıulynyń eńbek jolynyń barlyǵy derlik tikeleı óndirispen baılanysty boldy. Ol 1961 jyly oqý ornynyń joldamasymen jas ınjener mamanǵa zárý Qaraǵandy qalasyndaǵy motor jóndeý zaýytyna jiberildi. Atalǵan kásiporynda tórt jyl sheber, bas mehanık bolyp jumys istep, tájirıbe jınaqtady. 1965 jyly eńbek dástúrine baı, óńir óndirisiniń týustaryna aınalǵan Aral keme jóndeý zaýytyna aýysyp, sheber, seh bastyǵy, qurylysshy prorab, ınjener sııaqty jaýapty jumystardyń barlyq satysynan ótti. 1972 jyldan bastap, óndiris tehnologııasyn jetik meńgergen Q.Abylaev 1996 jyly zeınet demalysyna shyqqanǵa deıin ártúrli baǵytta ónim shyǵaratyn osy zaýyttyń jeti jyl bas ınjeneri, 18 jyl basshysy bolyp abyroıly qyzmet atqardy.
Qaırolla Shalǵynbaıuly basshylyq jasaǵan zaýyt ujymy úshin bul jyldar óndiristiń naǵyz órleý, órkendeý jyldary boldy. Jalpy ónim kólemi 23 esege ósti. Ujym músheleriniń uzyn sany 1 298 adamǵa jetti. Osyndaı tabystarǵa qol jetkizgen altyn qoldy kemeshilerdiń áleýmettik jaǵdaılaryn sheshý máseleleri de kásiporyn basshylyǵynyń nazarynan tys qalmady. О́z basy qaramaǵyndaǵylarǵa qyldaı da qııanat jasamady. Qoǵam múddesin jeke basynyń múddesinen joǵary qoıdy.
Búginde 85 jasqa tolyp otyrǵan qadirmendi qarııaǵa ádemi qarttyq buıyrsyn deı otyryp, uzaq ǵumyr tileımiz.
Ánes ÁÝEZOV,
Qazaq KSR halyq aǵartý isiniń úzdigi
Qyzylorda oblysy
