Aımaqtar • 11 Tamyz, 2022

BQO-da óndiristegi jazataıym oqıǵalardan 10 adam kóz jumǵan

23 ret kórsetildi

Jyl basynan beri Batys Qazaqstan oblysynda óndiriste bolǵan 33 jazataıym oqıǵa tirkeldi, dep habarlaıdy Egemen.kz.

BQO eńbek ınspeksııasy basqarmasynyń basshysy Asylulan Dosjanov óńirlik kommýnıkasııalar qyzmeti alańynda ótken brıfıngide ótken jyldyń 7 aıynda 32 jazataıym oqıǵa bolǵanyn aıtty.

Onyń aıtýynsha, bıyl jazataıym oqıǵalardan 39 adam zardap shekse, sonyń 20-sy aýyr dep baǵalandy. 9 adam toptyq oqıǵadan jaraqat aldy. Jazataıym oqıǵalardan 10 jumysshy qaza tapty, bul ótken jylǵydan 60 paıyzǵa kóp.

«Sonyń ishinde 5 adam qurylys salasyndaǵy kásiporyndarda qaıtys boldy. Tórt jumysshy bıiktikten qulasa, bireýi jerdiń opyrylýy saldarynan kóz jumdy», dedi basqarma basshysy.

Sonymen qatar jol-kólik oqıǵasynan jáne qozǵalatyn, ushatyn, aınalatyn zattar men bólshekterdiń soǵýynan bıýdjettik uıymnyń 3 qyzmetkeri mert boldy.

Aýyl sharýashylyǵy salasynda 2 qyzmetker kóz jumdy. Onyń bireýi jumys ornynan shyǵyp, belgisiz jaǵdaıda shóp usaqtaǵyshqa túsip qalǵan. 1 jumysshyny sehqa tıeý aımaǵynda traktor júrgizýshisi artqa bergeninde baıqamaı basyp ketken.

«Jazataıym oqıǵalarǵa júrgizilgen arnaıy tergep-tekserý nátıjesi kórsetkendeı, negizgi sebepter – jumystyń tıisinshe uıymdastyrylmaýy, qyzmetkerlerdi jeke qorǵanys quraldarymen qamtamasyz etpeý, eńbektiń qaýipsiz tásilderine oqytýdyń jetkiliksizdigi, sondaı-aq zardap shegýshilerdiń ózderiniń óreskel abaısyzdyǵy. Taǵy bir atap ótetin jaıt, jumys berýshiler qyzmetkerlerdi eńbek qaýipsizdigi jáne eńbekti qorǵaý máseleleri boıynsha oqytý, nusqaý berý, bilimderin tekserýdi júrgizbeıdi. Qyzmetkermen eńbek shartyn jasaspaı, jumysqa jiberedi, jumys oryndarynda jáne tehnologııalyq prosesterde jazataıym oqıǵalardy boldyrmaý maqsatynda aldyn alý sharalaryn júrgizbeıdi. Oǵan qosa, jazataıym oqıǵalar jasyryn qalyp jatady», dedi A. Dosjanov.

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar