Sport • 12 Tamyz, 2022

Shahmatshylardyń tarıhı jetistigi

29 ret kórsetildi

Úndistannyń Chennaı qala­synda eki aptaǵa jalǵasqan shahmattan erler jáne áıel­der arasyndaǵy 44-shi olımpıada óz máresine jetti. Álemniń 186 memleketi qa­tysqan bıylǵy baıraqty básekede Qazaqstannyń qyz­dar quramasy tarıhı nátı­jege qol jetkizip, olım­pıada tarıhynda alǵash ret TOP-5 úzdik quramanyń qatarynan kórindi.

Jarystyń sońǵy kúninde qyz­da­rymyz Úndistannyń úshinshi qura­mymen kezdesip, 2,5-1,5 esebi­men basym tústi. Bul oıynda qazaq­standyqtardan Jansaıa Ábdimálik pen Bıbisara Asaýbaeva jeńiske jetse, Ksenııa Balabaeva teń oınady. О́kinishke qaraı, Gúlishan Naqbaeva qarsylasyna jol berdi.

Sóıtip, 11 týrdyń 8 oıy­nyn­da jeńiske jetip, 2 ret je­ńil­gen jáne bir oıynda teń tús­ken Qazaq­stan­nyń qyzdar qura­ma­sy 17 upaı jınap, bıylǵy olım­pıadany be­sinshi orynmen tú­ıindedi. Bul – olımpıada tarı­hyndaǵy qazaq­standyq zerdeliler oıyny sheber­leriniń eń úzdik nátıjesi. Buǵan deıin jer­lesterimiz 2014 jyly Nor­ve­gııa­nyń Tromse qalasynda uıym­dastyrylǵan 41-shi shahmat olım­pıadasynda altynshy oryn­ǵa taban tirep, jankúıerlerdiń qo­shemetine bólengen edi.

Úndistanda ótken olımpıadada Qazaqstan qyzdar quramasy sapynan Jansaıa Ábdimálik (22 jas), Bıbisara Asaýbaeva (18 jas), Ksenııa Balabaeva (17 jas), Gúlis­han Naqbaeva (31 jas) jáne qosalqy quram oıynshysy re­tinde Nazerke Nurǵalı (18 jas) baq synady. Atalǵan bes shahmat­shynyń ishinde 2021 jylǵy jyldam shahmattan álem chempıony Bıbisara Asaýbaeva ǵana barlyq 11 týrda oınap shyqty. Eń qyzyǵy, olımpıadada demalyssyz óner kórset­ken otandasymyz birde-bir qarsy­lasyna ese jibergen joq. Ol – 4 oıyn­da myqtylyq tanytsa, alty kez­desýde teń oıyn kór­setti. Son­daı-aq 11 týrda jalpy sany 8 upaı jınap, quramadaǵy eń úzdik ná­tı­jege qol jetkizdi. Al ár qurama­nyń eń úzdik sportshylary oınaıtyn birinshi taqtada baq synaǵan Jansaıa Ábdimálik olımpıadanyń qola júldegeri atandy. Ol 9 partııada 7 upaı jınaǵan. Ekinshi taqtada oına­ǵan B.Asaýbaeva tór­tinshi orynnan kó­rindi.

Qyzdar arasyndaǵy olımpıa­da­nyń qorytyndysy boıynsha eshbir oıynda jeńilmegen Ýkraına (7 jeńis, 4 teń) qyzdary chempıon atan­dy. Keıingi eki orynǵa Grýzııa (8 jeńis, 2 teń, 1 jeńilis) jáne Úndis­tan (8 jeńis, 1 teń, 2 jeńilis) qura­malary jaıǵasty.

Qazaqstannyń erler quramasy da sońǵy týrda Úndistannyń úshin­shi nómirli shahmatshylarymen she­berlik baıqasyp, 2:2 esebimen teń tústi. Quramynda Rınat Jumabaev (33 jas), Álisher Súleımenov (22 jas), Murtas Qajyǵalıev (49 jas), Arystanbek Orazaev (24 jas) jáne Qazybek Nógerbek (18 jas) bar Qazaqstan shahmatshylary olımpıada barysynda 7 týrda qarsylastaryn tize búktirip, bir oıynda teń nátıje kórsetti. О́kinishke qaraı, úsh kezdesýde jeńilistiń kermek dámin tatýǵa májbúr boldy.

Osy nátıjelerden ke­ıin jer­­­les­­terimiz olımpıadany 17-orynmen túıindedi. Qazaq­stan­nyń bu­ǵan deıingi eń úzdik kór­setkishi – 19-oryn bolatyn. El qura­masy sapynda baq sy­na­ǵan shah­matshylardyń jekeleı kórsetkish­terine toqtalar bol­saq, 11 týrdyń 10 oıynyna qa­tys­qan Q.Nógerbek 7,5 upaı jınap, quramanyń úzdigi atandy. Ke­ıingi orynǵa 11 partııada 7 upaı jınaǵan Álisher Súleımenov ıe boldy.

Erler arasyndaǵy olımpıadada О́zbekstan quramasyna teń keler qarsylas tabylmady. Ala taqııaly aǵaıyndar 11 oıynnyń 8-inde jeńiske jetip, úsheýinde teń oınady. Armenııa (9 jeńis, 1 teń, 1 jeńilis) men Úndistan-2 (8 jeńis, 2 teń, 1 jeńilis) sportshylary ekinshi jáne úshinshi oryndardy ózara bólisti.

Shahmatshylardyń endigi olımpıadasy 2024 jyly Majarstannyń bas shahary – Býdapeshtte ótetin boldy. Al 2026 jylǵy olımpıadany О́zbekstan astanasy – Tashkent qalasy uıymdastyrady.

Sońǵy jańalyqtar

Qosymshanyń kómegi eleýli

Qoǵam • Búgin, 23:07

Qazaq dıasporasynyń qaıratkeri

Tarıh • Búgin, 23:01

Ormanmen syrlasqan ǵalym

Aımaqtar • Búgin, 22:59

Koreı teatrynyń torqaly toıy

Teatr • Búgin, 22:58

Lývrda qalǵan shyraǵdan

Suhbat • Búgin, 22:56

EcoStudentKZ: Jastar judyryqtaı jumyldy

Ekologııa • Búgin, 22:52

Sheberler sherýi

О́ner • Búgin, 22:50

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Uqsas jańalyqtar