Úkimet • 12 Tamyz, 2022

Álıhan Smaıylov qant monopolısiniń qyzmetin tekserýdi tapsyrdy

46 ret kórsetildi

Úkimet basshysy Álıhan Smaıylov ekonomıkany demonopolızasııalaý jónindegi komıssııanyń kezekti otyrysyn ótkizdi, onda qant naryǵyndaǵy monopolııaǵa qarsy den qoıý sharalary qaraldy, dep habarlaıdy Egemen.kz Rrimeminister.kz saıtyna silteme jasap.

Básekelestikti qorǵaý jáne damytý agenttiginiń tóraǵasy Serik Jumanǵarın elimizde qanttyń negizgi kólemi Jambyl jáne Almaty oblystarynda ornalasqan tórt zaýytta óndiriletinin atap ótti. 

Bul rette elde óndirilgen qanttyń negizgi kólemin (shamamen 90%) iri kóterme jetkizýshiniń satyp alǵany atap ótildi, onyń is-áreketterinen taýardy aınalymnan alyp qoıý belgileri baıqalyp otyr, sonyń saldarynan qanttyń naryqtyq baǵasy 700-800 teńgege deıin kóterilgen, al óndirýshi zaýyt ony 420-450 teńgeden satady. 

Qant satýdyń dınamıkasyn zertteý barysynda ár aıdyń sońynda kompanııada eldiń jekelegen óńirlerinde suranysty ishinara qanaǵattandyrýǵa múmkindik beretin qaldyq qordyń bolǵany anyqtaldy. Osyǵan baılanysty Básekelestikti qorǵaý jáne damytý agenttigi monopolııaǵa qarsy zańnamany buzý belgileri boıynsha tergeý taǵaıyndady. 

Qalyptasqan jaǵdaıdy ózgertý úshin naryq sýbektileriniń taýar bırjasy arqyly qanttyń eń az partııalaryn (60 tonna) ótkizý bóliginde olarǵa baqylaýdy qatańdatý, sondaı-aq ımporttaýshylardy bırja arqyly qant ótkizýdi júzege asyrýǵa mindetteý jáne óndirýshi zaýyttar úshin shıkizat satyp alýǵa aınalym nesıelerin bólý máselesin qaraý usynyldy. 

Premer-Mınıstr usynylǵan tásilderdi qoldap, memlekettik organdarǵa birqatar qosymsha tapsyrma berdi. 

Úkimet basshysy Básekelestikti qorǵaý jáne damytý agenttigine monopolııaǵa qarsy zańnamany buzý belgileri boıynsha kompanııaǵa qatysty tergeýdi jalǵastyrýdy tapsyrdy. 

Qarjylyq monıtorıng agenttigine osy kásiporynnyń qyzmetin yqtımal buzýshylyqtar turǵysynan egjeı-tegjeıli taldaý tapsyryldy. 

Sonymen qatar Premer-Mınıstr Saýda jáne ıntegrasııa mınıstrligine Aýyl sharýashylyǵy mınıstrligimen jáne óńirlerdiń ákimdikterimen birlesip, otandyq qant zaýyttaryna shıkizat satyp alýǵa «aınalym shemasy» boıynsha qarajattyń bir bóligin jiberý máselesin pysyqtaýdy tapsyrdy. 

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar