Qoǵam • 12 Tamyz, 2022

Almatyda jalǵan nómirmen júrgen 218 kólik anyqtaldy

38 ret kórsetildi

Almaty polısııa departamentiniń bastyǵy Arystanǵanı Zapparov «Qorǵaý – qaýipti júrgizýshi» avtomattandyrylǵan júıesiniń jumysyn zerttedi, dep habarlaıdy Egemen.kz.

«Kún saıyn 800 myńnan astam avtokólik júretin iri megapolıs jaǵdaıynda bul júıe óziniń tıimdiligin kórsetti. Ol jalǵan memlekettik nómirlik belgilerdi paıdalanatyn júrgizýshilerdi, jarys uıymdastyryp, júrýdiń agressıvti stıline múmkindik beretinderdi anyqtaýǵa baǵyttalǵan. Jalǵan nómir, ádette, beınebaqylaý júıelerin aınalyp ótý úshin, kóbinese qylmys jasaý kezinde qoldanylady. Bizdiń mindetimiz - mundaı faktilerge jol bermeý jáne osy qaterli praktıkany joıý. Saptyq polısııa bólimshesi men aqparattyq tehnologııalar osyndaı quqyq buzýshylyqtardy anyqtaýǵa barynsha baǵyttalǵan», dedi Arystanǵanı Zapparov.

Almaty polısııasy basshysynyń aıtýynsha, osy aıdyń basynan beri qala joldarynda jalǵan memlekettik tirkeý nómirlik belgileri bar kólik quralyn basqarýdyń 218 faktisi, memlekettik tirkeý nómirlik belgileri joq kólik quralyn basqarýdyń 773 faktisi anyqtaldy.

«Sonymen qatar jol qozǵalysy erejelerin júıeli túrde buzýǵa jol bergen jáne aıyppul tóleýden jaltarǵan avtokólikterdi ustaý boıynsha jumystar júrgizilýde. Osy maqsatta biz úlken ákimshilik aıyppuldary bar kólik quraldarynyń tizimin jasadyq. Mysaly, keshe «VAZ-21114» markaly avtokóliktiń júrgizýshisi ustaldy. Oǵan 2 mıllıon 408 myń teńgeden astam somaǵa aıyppul tirkelgen. Aǵymdaǵy aıdyń basynan beri 11 mıllıon teńgeden astam qaryzy bar 9 avtokólik mamandandyrylǵan turaqqa qoıyldy», dep qosty ol.

«Qorǵaý - qaýipti júrgizýshi» júıesin engizý bastalǵannan beri barlyǵy 38 myń 824 quqyq buzýshylyq anyqtaldy, onyń ishinde:

  • Jyldamdyq rejımin júrgizýshilerdiń 33 myń 126 asýy;
  • Tehnıkalyq baıqaýsyz 2 myń 349 kólik quralyn basqarý;
  • Saqtandyrý polısinsiz 2 myń 322 kólik quralyn basqarý;
  • 83 buryn kólik quraldaryn basqarý quqyǵynan aıyrylǵan.

Júrgizilgen profılaktıkalyq is-sharalardyń nátıjeleri boıynsha mamandandyrylǵan turaq ornyna 1 myń 128 avtokólik qoıylyp, 485 memlekettik tirkeý nómirlik belgileri tárkilendi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar