Saıasat • 16 Tamyz, 2022

Jańa Qazaqstan – sheteldikter kózimen

286 ret kórsetildi

Syrtqy ister mınıstrliginde «Jańa Qazaqstan sheteldik BAQ kózimen» baıqaýynyń qorytyndylary jarııalandy. Bıyl jetinshi ret ótkizilgen baıqaýǵa Syrtqy ister mınıstriniń orynbasary Roman Vasılenko, Bas redaktorlar klýbynyń basshysy Bıbigúl Jeksenbaı jáne Kazakh Tourism ulttyq kompanııasy AQ Basqarma tóraǵasy Talǵat Amanbaev qazylyq etti.

Qazylar alqasy sońǵy on eki aıda jarııalanǵan 40 elden túsken sheteldik jýrnalıster men blogerlerdiń materıaldaryn, jalpy sany 50-den astam ótinimdi qarastyrdy. Úmitkerlerdiń materıaldary gazet­terde, jýrnaldarda, ınter­net-basylymdarda, tanymal ınternet-platformalarda, blogtarda, sondaı-aq podkast túrinde jaryq kórdi.

Qamtylǵan taqyryptar ishinde halyqaralyq qaty­nastar, tarıh, mádenıet, týrızm, densaýlyq saqtaý, sport, ıadro­lyq qarýsyzdaný, jańar­tylatyn energııa kózderi se­kil­di máseleler qamtylǵan. Shet­eldik BAQ elimizde jyl basynan beri bolyp jatqan júıe­li ózgeristerge, «Jańa Qa­zaqstan» aıasyndaǵy saıası, ekonomıkalyq jáne áleýmettik reformalarǵa erekshe nazar aýdardy.

Qazylar alqasynyń sheshi­mimen bıylǵy baıqaýdyń jeńim­pazy bolyp jeti sheteldik avtor atandy. Amerıka aımaǵynda Ottawa Life jýrnalynyń jýr­nalısi Donovan Makkenzıdiń Qazaqstandaǵy saıası reformalar baǵdarlamasy týraly maqalasy úzdik dep tanyldy.

Eýropa elderi arasynda brıtandyq bloger Trıstan Hıýz­diń ótinimi eń qyzyqty dep baǵalandy. Onyń podkasty byltyr Kembrıdjde ótken saq­tardyń arheologııalyq murasyna arnalǵan kórmege arnalǵan bolatyn.

«TMD jáne Eýrazııa» atalymynda grýzın sarapshysy Gúlbaat Rshıladzeniń Qazaq­stan men Grýzııa arasyn­daǵy tarıhı baılanystar taqyrybyna arnalǵan maqalasy atap ótildi.

«Azııa – Tynyq muhıty aımaǵy» nomınasııasynda Qazaq­stannyń ınvestısııalyq múmkindikteri men Azııadaǵy ózara is-qımyl jáne senim sharalary keńesiniń (AО́SShK) qyz­meti týraly maqalalar jarııa­laǵan The Korea Herald gazetiniń jýrnalısi Sandjaı Kýmardyń ótinimi úzdik dep tanyldy.

Qazylar alqasy Taıaý Shyǵys pen Afrıka elderinen birden eki úmitkerdi tańdaýdy jón kórdi. Marokkonyń Le Matin jáne 12.ma basylymdarynyń jýrnalısi Drıs Lakýbıdiniń óz eli men Qazaqstan arasyndaǵy yntymaqtastyq taqyrybyna arnalǵan maqalalar toptamasy jáne túrik sarapshysy Emra Kaıdyń «Jańa Qazaqstandy» qurý týraly taldamalyq maqa­lasy jeńimpaz atandy.

Bıyl alǵashqy ret elimizdiń týrıstik áleýetin aıshyqtaıtyn jeke nomınasııa taǵaıyndaldy. Qazylar alqasynyń sheshimimen Qazaqstan týraly arab tilindegi elektrondy kitap úshin marapat­talǵan kýveıttik týrıst-bloger Halıd Almýtaırı úzdik shyqty.

Baıqaý jeńimpazdary marapat retinde bıylǵy qyrkúıekke Nur-Sultan, Almaty, Túrkistan qala­la­ry men Býrabaı kýrort­tyq aımaǵyna baryp, Qazaq­standy aralamaq. Sondaı-aq jeńimpazdar adamzattyń eń iri konfessııalarynyń jetekshi qaı­ratkerleri qatysatyn Álem­dik jáne dástúrli dinder kósh­basshylarynyń VII sezine shaqyrylady.

«Qazaqstan – sheteldik BAQ kózimen» baıqaýy 2014 jyldan beri jyl saıyn ótkizilip keledi. Konkýrs elimizdiń damýy­nyń ózekti úrdisterine, onyń baı tabıǵı jáne mádenı mura­syna, ınvestısııalyq jáne týrıstik áleýetine halyqaralyq qyzy­ǵýshylyqtyń odan ári artýyn yntalandyrýdy kózdeıdi.

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar